اسلام آباد۔3مئی (اے پی پی): صدر ءِ مملکت آصف علی زرداری ءَ خیبر پختونخوا ءَ 3 جتا جتائیں آپریشن آنی تہ ءَ 5 خوارج ناشرکار آنی کوش ءُ 2 دگہ دزگیر کنگ ءِ پد ءَ سیکورٹی فورسز ءَ را شگر ءُ منت درشان کتگ۔ ایوان صدر میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ انٹیلی جنس ءِ بنیات ءَ کارروائی آنی ساھت ءَ فتن الخریج ءِ 5 ناشرکار آنی ھلاسی ءِ واستہ سیکورٹی فورسز ءِ بہادری ءَ را ساڑاتگ۔ صدر ءِ مملکت ءَ آپریشن ءِ وھد ءَ ناشرکاریں سروک ءِ کوش ءِ سر ءَ سیکورٹی فورسز ءِ توسیپ کت ءُ گوشت کہ آپریشن ءِ وھد ءَ ناشرکاریں سروک ءِ کوش سیکورٹی فورسز ءِ سوبمندی اِنت۔ صدر ءِ مملکت ءَ گوشت کہ ناشرکار آنی سرجمیں ھلاسی ءَ تاں سیکورٹی فورسز ءِ آپریشن برجاہ مان اَنت۔ اے گپ وشی ءِ گپ اِنت کہ پاکستان ءِ سیکورٹی فورسز ناشرکاری ءِ ھلاسی ءِ واستہ سوبمندیں آپریشن کنگ ءَ اَنت۔ صدر ءِ مملکت ءَ گوشت کہ ناشرکاری ءِ عناصر ءِ ھلاسی ءُ ملک ءِ رکھینگ ءِ مئے جزم سدک مان ایت۔ صدر ءِ مملکت ءَ درئی ناشرکاری ءِ سرجمی ءَ ھلاسی ءِ راجی جزم ءِ درشان کت۔
