اسلام آباد۔3مئی (اے پی پی): مزن وزیر ءِ صنعت ءُ پیداوار ءِ بابت ءَ ھاسیں کمکار ہارون اختر خان ءَ گوشت کہ زالبول آناں توانائی دئیگ مزن وزیر ءِ وژن انت۔ مزن وزیر کسان ءُ میان استمانی کاروبار ملک ءِ دیمروئی ءِ واستہ سک باز المی لیک ایت۔ اے ھیالانی درشانی آئی ءَ شمبے ءِ روچ ءَ لاہور ءَ پریس کانفرنس ءِ ساھت ءَ کت۔ وزارت صنعت ءُ پیداوار ءِ نیمگ ءَ ادا شنگ بوتگیں ھالانی رد ءَ ھارون اختر خان ءَ گوشت کہ مزن وزیر ءَ مارا نوکیں ورژن داتگ۔ مزن وزیر ءِ ھیال اِنت کہ کسانیں ءُ میاں اوستمانی کاروبار ملک ءِ دیمروئی ءِ واستہ سک باز المی اَنت ءُ اسمیڈا ءَ را سک باز ارزشت دنت۔ آئی ءَ گوشت کہ ما یک انٹرنیشنل کنسلٹنٹ ءِ گپ ءَ کنگ ءَ ایں ۔ ہارون اختر خان ءَ گوشت کہ زالبول آنی توانائی مزن وزیر ءِ وژن انت۔ آئی ءِ واھگ اِنت کہ جنین آدم لوگ ءَ ھم آزات بہ بنت ءُ پہ گیشتریں مردماں کہ یک مردے ءِ بدل ءَ یک ھاندان ءِ تہ ءَ زرّ بہ رس اَنت۔ آئی ءَ گوشت کہ مارا کاروبار ءَ را گہتر کنگ لوٹ ایت، ما کسانیں تک ءَ چہ چیز آناں فیک کنگ ءَ آں، مزن وزیر ءَ سمیڈا ءَ مائیکرو کیٹیگری ھوار کتگ ءُ ایشی ءِ چیر دستی ءَ 30ملین کلدار ءَ چہ کم ءِ کاروبار ھم اتکگ انت۔ آئی ءَ گیش گوشت کہ ما آھاں موسمی مٹ ءُ بدل ءِ ھوالگ ءَ سرپدی ھم دیگ ءَ آں تانکہ آ وتی کاروبار ءَ را جوانیں رنگ ءَ چلائینت بہ کن اَنت۔ مئے مول ءُ مراد کسانیں کاروباری مردمانی رہشونی کنگ اِنت دانکہ آ گیشتر دیم ءَ شُت کن اَنت۔ مکسد پاکستان ءِ برآمدات ءَ را گیش کنگ انت۔ ہارون اختر خان ءَ گوشت کہ مئے لوٹ اِنت کہ کسان ءُ درنیامی کاروبار دستاویز کنگ بہ بنت، مئے ورنا مئے اثاثہ اَنت، مئے ورنا وت ءَ را وانین اَنت، ما ورنا آناں وام دیگ ءَ آں۔ آئی ءَ گوشت کہ کریپٹو کرنسی ءِ ھوالگ ءَ پاکستان ءِ پالیسی زوت آھگ ءَ انت، ورنا آناں ہنرمند جوڑ کنگ ءِ واستہ جتا جتائیں پروگرام چلائینگ بوھگ ءَ انت، ایشی ءَ چہ گیش گہتری ءِ ضلورت انت۔ مزنیں ٹیرف ءَ چہ آماچیں ملک پاکستان ءِ نیمگ ءَ رھادگ بوت کن اَنت۔ مارا وتی مردماں موہ دیگی اِنت۔ پاکستان ءِ ہر شعبہ ءَ شریں مردم است انت۔
