اسلام آباد۔3مئی (اے پی پی):وزیر دفاع خواجہ محمد آصف ءَ سندھ ءِ آپانی معاہدے ءِ ھلاپ ورزی ءِ کوشست ءِ سر ءَ بھارت ءِ سر ءَ ایراد گپتگ ءُ گوشت کہ بھارت ءِ کارروائی جھان ءِ تک ءَ بے ننگ بوتگ اَنت ءُ بھارت وتی بیانیہ ءِ حمایت ءِ گرگ ءَ ناکام بوتگ۔ شمبے ءِ روچ ءَ نجی نیوز چینل ءَ گوں تران کنان ءَ وزیر دفاع خواجہ محمد آصف ءَ بھارت ءَ را ھشدار داتگ کہ اگاں بھارت سندھ ءِ آپانی معاہدے ءِ ھلاپ ورزی بہ کنت گڈا آئی ءَ را سنگینیں آسراتی رس ایت ءُ اے گپ ءِ سر ءَ زور پر داتگ کہ آپی وسیلگ آنی سر ءَ گیشیں زوراکی ءَ را لائکیں پسو ءِ گوما دیم پہ دیم کنگ بیت۔ آئی ءَ اے گپ ءِ سر ءَ زور پر دات کہ پاکستان منّگ ءِ پابند اِنت بلے وتی ھک ءُ نپ آنی رکھینگ ءِ واستہ ھمک رنگ ءِ گامگیج چست کنگ ءَ چک ءُ پد نہ بیت ۔ خواجہ آصف ءَ گشتگ کہ اگاں ہندوستان سندھ ءِ آپانی معاہدہ ءَ را خلاف ورزی کنت گڈا پاکستان وتی حقانی رکھینگ ءِ ھاتر ءَ اے معاملہ ءَ قانونی دیواناں سر کنت۔ آئی ءَ گوشت کہ نریندر مودی ءِ بیانیہ ءِ جہانی پڑ ءَ ناکام بوتگ۔ آئی ءَ بھارت ءِ پروپیگنڈا ءِ سرا زور دیگ ءِ سرا ایراد گپتگ ءُ گشتگ کہ ثبوت پیش کنگ بہ بنت۔ بنجاھی وزیر ءَ اے گپ ءِ سر ءَ زور پر دات کہ پاکستان ھرچ چیلنج ءِ دیمپانی ءَ تیار اِنت ءُ ھرچ اشتعال انگیز ءِ لائکیں پسو ءَ دنت۔
