لاہور۔3مئی (اے پی پی):منصوبگ بندی، دیمروئی ءُ ھاسیں گامگیج آنی بنجاھی وزیر پروفیسر احسن اقبال ءَ گوشت کہ برآمدات ءِ دیمروئی اقتصادی دیمروئی ءِ واستہ وھد ءِ لوٹ اِنت، ورنا یک ارزشتی ایں سرمایہ یے، ملک ءِ رژنائیں آیوکیں وھد ”اُدان پاکستان“ ءِ منصوبگ ءِ سوبمندی ءَ گوں بندوک اِنت، پاکستان ءَ را اقتصادی یک دود ءُ ربیدگ ءِ رد ءَ بدل کنگی اِنت۔ دیمروئی ءِ چارمی پرواز ءِ کش ءَ استحکام ءُ رژنائی سوبمندی ءِ کلید انت، نوں ردی ءِ گنجائش نیست، یک راجے ءِ بستار ءَ مارا ملک ءِ جوڑیشت ءُ دیمروئی ءِ ھاترا وتی مثبت کرد ءَ پیلو کنگی انت۔ آئی ءَ اے ھیالانی درشانی شمبے ءِ روچ ءَ یونیورسٹی آف مینجمنٹ اینڈ ٹیکنالوجی ءَ بجٹ سمٹ کانفرنس ءَ گوں گشتانک دیان ءَ کت۔ اے موہ ءِ سر ءَ ریکٹر یو ایم ٹی ءُ نامداریں معاشیات زانت ڈاکٹر حفیظ پاشا، ڈاکٹر سلمان شاہ، پیسریگیں چیئرمین ایف بی آر شبر زیدی، ایف پی سی سی ءِ سرپرست آئی۔ تنویر، آئی سی ایم اے ءِ صدر غلام مصطفی قاضی، ڈین، ڈائریکٹر، فیکلٹی ءِ باسک، استاد، نودربر ءُ دگہ بازیں مردم ھم ھوار اتنت۔ بنجاھی وزیر احسن اقبال ءَ گوشت کہ دگنیا ءِ تہ ءَ نندگ ءِ وھد ءَ اقتصادی جاور ھال ھرچ مردم، ھاندان، ادارگ یا ملک ءِ دیمروئی ءِ تہ ءَ مزنیں کردے پیلو کنت۔ اے دیمروئی ءِ بندوک اِنت کہ آ مردم، ھاندان، ادارہ یا ملک اللہ تعالیٰ ءِ داتگیں وسیلہ آں چوں کارمرز کنت۔ اگاں ایشی ءَ راست کارمرز کنگ بہ بیت گڈا دیمروئی بیت ءُ اگاں اے وسیلگاں رد کارمرز کنگ بہ بیت گڈا اے دیمروئی ءِ دوڑ ءَ باز پد منتگ بیت۔ آئی ءَ گوشت کہ 1947 ءَ ھدا ءِ داتگیں پاکستان ءِ ریاست بازیں قربانی ءَ پد حاصل بوت، بلے مرچی ہرکس ءِ ذہن ءَ اے جست چست بیت کہ 78سال ءِ گوزگ ءَ پد ہم پاکستان کہ جاپان زانگ بوتگ آ مرچی دیمروئی ءِ دوڑ ءَ پرچا پد منتگ بوتگ؟ اے شوھازگ ھژدری اِنت کہ اے مُلک پرچہ دیم ءَ شُت اَنت ءُ پاکستان پرچہ پد منتگ بوت، اگاں چہ پاکستانیانی بابت ءَ اے گپ زانگ بیت کہ ما گیشتر زانتکار ایں. احسن اقبال ءَ گوشت کہ سرجمیں مشکل آنی باوجود پاکستان مرچی دگنیا ءِ ھپتمی ایٹمی طاقت انت۔ ما کہ سائیکل جوڑ نہ کتگ ات، نوں جے ایف 17 تھنڈر ءِ وڑیں نوکیں جنگی جہاز جوڑ کنگ ءَ ایں کہ مئے مہارت ءُ سوبمندی ءِ گواہ انت۔ آئی ءَ گوشت کہ جان سلامتی، کشت ءُ کشاری، ٹیکنالوجی ءُ وانگ ءُ زانگ ءِ شوبگ ءَ مزنیں سوبمندی ءِ بوتگ۔ اگاں مارا یک شرپ مندیں مستقبل ءِ وت جوڑ کنگ لوٹ ایت گڑا مارا آیوکیں 22سال ءَ ہمساہگیں ملک آنی گوما مقابلہ کنگی انت۔ احسن اقبال ءَ گشتگ کہ مسلم لیگ ن ءِ سرکار ءَ 1997 ءَ وژن 2010 جوڑ کتگ بلے بدبھتی ءَ مارشل لاء ءِ سرا عمل کنگ بوتگ ءُ آ منصوبہ ردی ءِ تہا شنگ کنگ بوتگ۔ پاکستان ءَ ناشرکاری وتی اوج ءَ سر بوتگ۔ اے ناامنی ءِ تہا وژن 2050 پیش کنگ بوتگ۔ سی پیک ءِ منصوبہ ءَ 25 ارب ڈالر ءِ سرمایہ کاری کتگ ات بلے سوشل میڈیا ءِ سرا جنجالی جوڑ کنگ ءَ چہ ایشی ءَ را تاوان رستگ ات۔ اقتدار ءِ گرگ ءِ وھد ءَ پاکستان ءِ ڈیفالٹ ءِ ھال سرجمیں دگنیا ءَ شنگ ءُ تالان بوھگ ءَ ات۔ ملک ءِ تہا کرپشن 2018 ءَ وتی اوج ءَ بوتگ ات، ڈیفالٹ مئے سرکاری پالیسیانی سبب ءَ بوتگ ات۔ ھلاس بوھگ ءِ ھال ھلاس بوت ءُ انوگیں سرکار ءَ ڈیفالٹ کنوکیں ملک پدا وتی پاداں آورت ءُ نوں پاکستان نوکیں بالی گرابے ءِ زورگ ءَ تیار اِنت۔ اودان پاکستان منصوبگ پاکستان ءَ را برجمیں دیمروئی ءِ نیمگ ءَ برگ ءِ واستہ بنگیج کنگ بوتگ۔ ایشی ءِ واستہ مارا وتی ملک ءَ امن ءُ ایمنی ءِ چاگرد جوڑ کنگی انت۔ ما وتی چاگردی لیکہاں بدل بہ کنیں۔ مئے 40 درسد زھگ چہ نادراھی ءَ آماچ اَنت کہ ایشانی ذھنی توانائیانی دیمروئی ءِ موہ نہ دنت۔ استاد ءَ را چاگردی لیکہانی بدل کنگ ءِ ھاترا کار کنگ ءِ سرا دلگوش دیگی اِنت۔ ما اودان پاکستان منصوبگ ءِ بنگیج کتگ تانکہ پاکستان ءَ برجمیں دیمروئی ءِ نیمگ ءَ برگ بہ بیت۔ مارا دیمروئی ءِ راہ ءِ سرا وتی گمشدہ جاہ پچ گرگی انت۔دیمروی ءِ ھاتر ءَ مارا وتی ملک ءَ امن ءُ ایمنی ءِ جوہ جوڑ کنگی اِنت۔ راجی دیمروئی اودان پاکستان منصوبگ ءِ سوبمندی ءِ شرط انت۔ سیاست ڈرامہ نہ اِنت۔ ما وتی سیاست ءِ سرا داؤ جتگ ءُ ملک ءَ را پدا استحکام داتگ۔ مئے سیاست یک مھکم ءُ مھکمیں پاکستان ءِ تہ ءَ مئے پوزیشن ءُ مئے سرجمیں شان ءُ شَرپ ءَ گوں ممکن اِنت۔ احسن اقبال ءَ گوشت کہ اللہ تعالیٰ ءِ فضل ءُ کرم ءَ چہ حکومت ءِ جوانیں گامگیج آنی برکت ءَ مرچی افراط زر 4درسد ءَ چہ کم بوتگ، اسٹاک مارکیٹ 118 ہزار ءِ نشان ءَ چہ گوستگ۔ آئی ءَ گوشت کہ راج ءَ تپاک کنگی انت ءُ آشوب ءُ فتنہ ءِ ھلاپ ءَ جنگ کنگی انت۔ یک راجے ءِ بستار ءَ مئے پرز انت کہ ما پاکستان ءِ دیمروئی ءِ واستہ یکجاہ کار بہ کنیں ۔ ملک ءِ معیشت ءَ را 2030 ءَ تاں 30 ٹریلین ڈالر ءَ سر کنگ لوٹیت گوستگیں دو سال آنی تہ ءَ ملک ءِ معیشت ءَ را استحکام بوتگ۔ اگاں ما دیمروئی ءِ سفر ءَ را راستیں راہ ءَ ترند بہ کنیں گڑا ما 2047 ءَ ہندوستان ءَ ہم پشت کپت کنیں۔بنجاھی وزیر ءَ گشتگ کہ یک تخمینہ ءِ رد ءَ بدبھتی ءَ 25ملین زھگ وانگ ءَ چہ در انت۔ مرچی پاکستان ءِ وانندگی تھنا 60 درسد اِنت، مارا سیاست ءِ پڑ ءَ نہ بلکیں وانگ ءُ زانگ ءُ جان سلامتی ءِ پڑ ءَ مقابلہ کنگ لوٹ اِیت، سرکار وانگ ءَ دریں زھگاں وانگجاہ ءَ بیارگ ءُ وانگ ءِ آسراتی پھجارینگ ءِ واستہ ھمک وسیلہ کارمرد کنگ ءَ اِنت۔ آئی ءَ گوشت کہ آبادی ءِ گیشی ھم دیمروئی ءِ راہ ءَ مزنیں اڑاند اِنت، مئے آبادی ءِ گیشی ءِ شرح 2درسد ءَ چہ 9درسد ءَ سر بوتگ، ایشی ءِ کنٹرول کنگ سک باز المی اِنت۔ آئی ءَ گوشت کہ پاکستان ءَ 11 سپتامبر ءُ روس ءِ ھلاپ ءَ جنگ آنی تہ ءَ ھم بھر زرتگ، بلے دیمروئی ءِ اولی شرت امن ءُ ایمنی ءُ دومی سیاسی برجائی انت۔ آئی ءَ گوشت کہ دگنیا ءِ دیمروئی کتگیں ملک آنی نیمگ ءَ دہ سالی پالیشی جوڑ کنگ بوتگ ءُ ایشی ءِ سر ءَ برجمی ءَ عمل کنگ بوتگ، بھارت ءَ منموہن سنگھ، مودی ءُ بنگلہ دیش ءَ حسینہ واجد ءَ وتی مدت سرجم کتگ، ملائیشیا ءَ مہاتیر محمد ءَ وژن 2020 ءِ چیر دستی ءَ دیمروئی ءِ راہ پچ کتگ۔ چین ءِ ھاتر ءَ کہ فوڈ سیکیورٹی ءُ توانائی ءِ وڑیں جیڑھ نوکیں پٹ ءُ پول ءِ وسیلگ ءَ گیش ءُ گیوار کنگ بہ بنت۔ آئی ءَ من اِت کہ پاکستان ءَ ہائیر ایجوکیشن ءِ تہ ءَ سرمایہ کاری انگت ءَ کم اِنت، بھارت 30درسد ءُ بنگلہ دیش 25درسد ھرچ کنگ ءَ اِنت وھدیکہ ما ایوک ءَ 11درسد ھرچ کنگ ءَ ایں ۔ بنجاھی وزیر ءَ گوشت کہ مارا فنتاسی ءِ دنیا ءَ چہ درآھگ ءُ حقیقت پسندانہ معاشی پیسلہ کنگ لوٹ ایت۔ ملک ءِ آیوکیں باندات مرغ ءُ سگ ءِ تہا نہ انت بلکیں ڈیجیٹل مہارت ءُ ٹیکنالوجی ءِ تہا انت۔ آئی ءَ سوشل میڈیا ءِ سر ءَ ورنا آنی تہ ءَ نفرت انگیزیں مواد ءِ سر ءَ اپسوز ءِ درشانی کت ءُ گوشت کہ یک ورنا ءِ تیر مرچی ھم آئی ءِ جند ءِ تہ ءَ اِنت ءُ اے نفرت گوں ”اُران پاکستان“ ءَ ھلاس کنگ بیت۔ گڈسرا آئی ءَ گوشت کہ سرجمیں راج ءَ را یکجا بوھگی اِنت ءُ پاکستان ءَ را اقتصادی گرداب ءَ چہ در کنگ ءِ واستہ مھکمیں زور دیگی اِنت، ایوک ءَ ھما وھد ءَ ما دیمروئی ءِ نوکیں بالاد ءَ را ٹچ کنگ ءِ وس ءَ کن ایں ۔ اگاں ما مرچی دیمروئی ءِ اے بال ءَ نہ زوریں گڑا 2047 ءَ پشومان بئیں۔مراگش ءِ گڈسرا جست ءُ پرس ءِ دیوان برجم دارگ بوت کہ ایشی ءِ تہا بہر زوروکاں نودربرانی جست ءُ پرس ءِ پسو دات انت۔
