اسلام آباد۔3مئی (اے پی پی):وزارت ءِ اھوالکاری ءَ پاکستانی ءُ میاں اوستمانی رسانکدر ءِ واستہ لائن آف کنٹرول ءِ تر ءُ تاب ءَ مرچی ءُ باندا آسراتی دیگ ءَ انت۔ اے تر ءُ تاب ءِ مول ءُ مراد پاکستان ءِ نام نہاد ءُ دروشمیں ناشرکاری کیمپانی بابت ءَ بھارت ءِ نیمگ ءَ بے بن ءُ جوڑ کتگیں پروپیگنڈا ءِ پدر کنگ اِنت۔ شمبے ءِ روچ ءَ وزارت ءِ اطلاعات ءُ نشریات ءِ نیمگ ءَ چہ جاڑی بوتگیں بیان ءِ رد ءَ بھارت ءَ لائن آف کنٹرول ءِ سر ءَ ناشرکاری ءِ گمان بوتگیں پناہ گاہ آنی ھوالگ ءَ باز رند ءَ بے بن ءُ من گھڑتیں دعویٰ کتگ۔ اے تر ءُ تاب ءِ ساھت ءَ میڈیا ءِ نمائندگ آناں ھما ھاسیں جاھاں برگ بیت کہ بھارت ءَ دروگیں دعویٰ کتگ کہ آ ناشرکاری کیمپ اَنت تانکہ راستیں زمینی راستی آناں پیش دارگ بہ بیت۔ بیان ءِ تہ ءَ گوشت کہ پاکستان امن ءِ ھاترا وتی مھکمیں جزم ءِ پد ءَ پدر کنت ءُ دگنیا ءِ کجام ھم جاہ ءَ ناشرکاری یا ناشرکاری ءِ کار آناں یک رنگ ءَ رد کنت۔ راج وتی حاکمیت ءِ ھاترا پریشان اِنت ءُ بھارت ءِ نیمگ ءَ چہ ھرچ وڑیں زوراکی ءَ را ترند ءُ فیصلہ کنوکیں پسو ءِ گوما دیم پہ دیم کنگ بیت۔
