اسلام آباد۔3مئی (اے پی پی):راجی اسمبلی ءِ اسپیکر سردار ایاز صادق ءَ ابدالی سلاہ بندیں نظام ءِ سوبمندیں آزمائش ءِ پد ءَ سلاہ بندیں اُرد، ملک ءِ نامداریں سائنسدان ءُ انجینئر آناں دل ءِ جہلانکی ءَ چہ مبارکی دات۔ سپیکر راجی اسمبلی ءِ نیمگ ءَ مبارکی بیان ءِ تہ ءَ گوشت کہ ابدالی ویپن سسٹم ءِ سوبمندیں آزمائش ءَ گوں پاکستان ءِ دفاع ءَ را گیش مھکم کنگ بوتگ ءُ اے سوبمندی راجی ایمنی ءِ مھکم کنگ ءِ علامت انت۔ آئی ءَ گوشت کہ سائنسدان ءُ انجینئر آنی پیشہ وارانہ ازمت آناں پاکستان ءِ دفاع ءَ را ناقابل شکست جوڑ کتگ ایشاں مدام یات کنگ بیت۔ آئی ءَ گوشت کہ راج ءَ را وتی سلاہ بندیں اُرد، سائنسدان ءُ انجینئر آنی سر ءَ فخر اِنت، آ ملک ءِ دفاع ءَ را مھکم کنگ ءِ واستہ شپ ءُ روچ کار کنگ ءَ اَنت۔ سرجمیں راج ایشانی توانائیانی قدر ءَ کنت ءُ ایشانی سوبمندی ءِ ھاترا دعا کنت۔ اسپیکر سردار ایاز صادق ءَ گوشت کہ پاکستان ءِ دفاع مھکم ءُ ایمنیں دست آنی تہ ءَ اِنت ءُ مئے سلاھ بندیں اُرد آنی ساڑی ءَ دژمن پاکستان ءَ کدی ھم نزوریں چمے چار اِت نہ کنت۔ سلاہ بندیں اُرد، سائنسدان ءُ انجینئر آنی واستہ نیکیں واھگ آنی درشان کنان ءَ آئی ءَ گوشت کہ اے راجی بامرد مئے واستہ فخر ءِ وسیلگ اَنت ءُ ایشانی کامیابی پاکستان ءِ وشیں آیوکیں باندات ءِ پیش گوئی اَنت۔
