اسلام آباد۔3مئی (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ یونان ءِ درئی کارانی وزیر جارج گیراپیٹرائٹس ءَ گوں فون ءِ سر ءَ دمگی جاور ھال آنی بابت ءَ گپ ءُ تران کتگ۔ دری کارانی کارگس ءِ جارکش ءِ نیمگ ءَ چہ جاڑی بوتگیں بیان ءَ گوشت کہ ٹیلی فون ءِ سر ءَ گپ ءُ تران ءِ تہ ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ بھارت ءِ بے بنیں الزام، ردیں ھال ءُ اھوال ءِ مہم ءُ ناجائزیں یک نیمگی کارروائی آناں چہ دمگی امن ءُ ایمنی ءِ واستہ ھترہ ءِ رد ءَ رد کتگ۔ آئی ءَ سندھ ءِ آپانی معاہدے ءِ معطل کنگ ءِ بھارت ءِ یک نیمگی پیسلہ ءِ ھم سک باز مذمت کتگ کہ اے آئی ءِ میاں اوستمانی ذمہ واری آنی ھاسیں خلاف ورزی اِنت۔ اسحاق ڈار ءَ دمگی امن ءُ ایمنی ءِ واستہ پاکستان ءِ عزم ءِ پدا زور دات ءُ وتی حاکمیت ءُ راجی مفاد آنی مھکمیں رنگ ءَ رکھینگ کت۔ آئی ءَ پاکستان ءِ یک آزات ءُ شفافیں پٹ ءُ پول ءِ لوٹ ءِ سر ءَ زور پر دات کہ راستی آناں در کنگ بہ بیت، کش ءُ چیل ءِ گر ءُ دار ءُ امن ءُ ایمنی ءِ رکھینگ ءِ واستہ تحمل ءِ ارزشت ءِ سر ءَ زور پر دات۔ آئی ءَ پاکستان ءِ غیر جانبدار ءُ شفافیں پٹ ءُ پول ءِ تجویز ءَ را وش اتک کت۔ دوئیں رہشوناں آہاں دمگی ءُ جھان ءِ دیمروئی ءِ بابت ءَ نزیکیں رابطہ ءِ برجاہ دارگ ءِ سرا تپاک کتگ ، خاص کر کثیر جہتی فورم ءِ تہا ، ایشی ءِ تہا اقوام متحدہ ءِ سلامتی کونسل ءِ غیر دائمی باسک ءِ بستار ءَ ہم ہوار انت۔
