اسلام آباد۔3مئی (اے پی پی):مزن وزیر محمد شہباز شریف ءَ گوشت کہ پہلگام ءِ وئیل ءَ پد بھارت ءِ نیمگ ءَ اشتعال انگیزیں کارروائی آنی باوجود پاکستان ءِ پسو زمہ وار بوتگ۔ ھندوستان پہلگام ءِ وئیل ءَ پاکستان ءِ دست مان کنگ ءِ ھچ وڑیں ثبوت پیش کنگ ءَ بے سوب بوتگ ءُ پاکستان ءَ گوں پہلگام ءِ وئیل ءَ ھمگرنچ کنگ ءِ پندل سازگ ءَ اِنت۔ آئی ءَ صدر رجب طیب اردوان ءِ منت گپت کہ ترکی ءَ جنوبی ایشیا ءِ امن ءُ ایمنی ءِ استیں جاور ھال آنی تہ ءَ پاکستان ءِ کمک کتگ ءُ ھمے رنگ ءَ دمگ ءَ امن ءِ لوٹ ءِ سر ءَ ھم منت گپتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ شمبے ءِ روچ ءَ ترکی ءِ سفیر ڈاکٹر عرفان نزرولو ءَ مزن وزیر گس ءَ مزن وزیر ءَ گوں گند ءُ نند کت۔ گند ءُ نند ءِ ساھت ءَ مزن وزیر ءَ صدر رجب طیب اردوان ءِ واستہ نیکیں واھشت آنی درشان کت ءُ 22 اپریل 2025 ءَ انقرہ ءِ گوستگیں تر ءُ تاب ءِ ذکر کت، ایشی ءِ تہ ءَ دوئیں سروک آنی نیام ءَ بازیں پڑ آنی تہ ءَ پاک ترکی ءِ سیادی آناں دیمروئی دیگ ءِ سر ءَ گپ ءُ تران کت۔ مزن وزیر ءَ جنوبی ایشیا ءَ امن ءُ ایمنی ءِ استیں جاور ھال آنی تہ ءَ پاکستان ءِ کمک ءِ ھوار خطہ ءَ امن ءِ لوٹ ءِ سر ءَ صدر اردگان ءِ شگر ءُ منت گپت۔ چہ آھاں منت گپت کہ آ دمگ ءَ امن ءِ لوٹ ءَ کن اَنت۔ مزن وزیر ءَ گوشت کہ پاکستان ءِ واستہ ترکی ءِ کمک دوئیں ملک ءُ وتی الس آنی نیام ءَراجدپتری ءُ گہتریں براتی سیادی ءِ آدینک انت۔ مزن وزیر ءَ گوشت کہ پہلگام واکیہ ءَ پد بھارت ءِ نیمگ ءَ اشتہ اف انگیزیں کارروائی آنی باوجود پاکستان ءِ پسو زمہ وار بوتگ۔ مزن وزیر ءَ یک رندے پدا گوشت کہ پاکستان ءَ مدام ھمک رنگ ءِ ناشرکاری ءِ مذمت کتگ۔ مزن وزیر ءَ گوشت کہ پاکستان ءَ ناشرکاری ءِ ھلاپ ءَ کوشست آنی تہ ءَ مزنیں قربانی داتگ، ایشی ءِ تہ ءَ 90 ہزار مردم بیران ءُ 152ارب ڈالر ءَ چہ گیش اقتصادی تاوان بوتگ۔ مزن وزیر ءَ گوشت کہ بھارت ءِ کارروائی پاکستان ءِ انسداد ناشرکاری ءِ کوشست آنی نیمگ ءَ چہ دلگوشی ءَ را کشگ ءِ نا شریں کوشست انت۔ مزن وزیر ءَ گوشت کہ بھارت پہلگام ءِ وئیل ءَ پاکستان ءِ ھوار بوھگ ءِ ھچ وڑیں ثبوت پیش کنگ ءَ ناکام بوتگ ءُ پاکستان ءَ را پہلگام ءِ وئیل ءَ گوں ھمگرنچ کنگ ءِ پندل سازگ ءَ انت۔ مزن وزیر ءَ گوشت کہ بھارت ءَ انگت ءَ پاکستان ءِ نیمگ ءَ چہ معتبر، شفاف ءُ غیر جانبداریں میاں اوستمانی پٹ ءُ پول ءِ پیشکش ءِ پسو نہ داتگ تانکہ پہلگام ءِ وئیل ءِ پُشت ءَ راستی آناں پجارینگ بہ بیت۔ پاکستان اے وڑیں پٹ ءُ پولانی تہا سرجمی ءَ کمک کنت ءُ ترکی ءِ ھوار بوھگ ءَ را وش اتک کنت۔ مزن وزیر محمد شہباز شریف ءَ گوشت کہ اے وھد ءَ پاکستان سرجمی ءَ وتی اقتصادی ریکوری ءُ دیمروئی ءِ سر ءَ دلگوش انت، ایشی ءِ واستہ آئی ءَ را وتی ھمساھگ آنی تہ ءَ امن ءُ ایمنی ءِ ضلورت انت۔ ترکی ءِ سفیر ءَ مزن وزیر ءَ را گوشت کہ ترکی پاکستان ءِ موقف ءِ حمایت کنت ۔ پاکستان ءِ گوما یکوئی ءِ درشان کنان ءَ ترکی ءِ سفیر ءَ خطہ ءِ تہ ءَ کشیدگی ءَ را کم کنگ ءُ جنوبی ایشیا ءَ امن ءُ ایمنی ءِ برجائی ءِ واستہ استیں بحران ءِ تہ ءَ یکوئی ءِ زور پر دات۔
