اسلام آباد۔3مئی (اے پی پی):بنجاھی وزیر ءِ اھوالکاری ءُ شنگکاری عطا اللہ تارڑ ءَ گوشت کہ رسانکدر ءِ آجوئی جمہوریت، شفافیں حکومت داری ءُ انسانی ھک آنی رکھینگ ءِ ضامن اِنت۔ پاکستان ءَ میڈیا ءَ مدام جمہوریت ءِ مھکم کنگ، کانود ءِ حاکمی ءُ الس ءِ سرپدی ءِ تہ ءَ کلیدی کرد پیلو کتگ۔ پاکستان ءِ حکومت ءِ سرجمیں رنگ ءَ آجوئی ءِ درشان ءِ سر ءَ باور اِنت۔ شمبے ءِ روچ ءَ جھان ءِ پریس ءِ آجوئی ءِ روچ ءِ سر ءَ وتی پیغام ءِ تہ ءَ بنجاھی وزیر ءِ اھوالکاری ءَ پاکستانی میڈیا ءَ را مقبوضہ جموں ءُ کشمیر ءَ برجاھیں بربریت ، انسانی ھکانی سنگینیں لگتمالی ءُ فلسطینی راج ءِ سر ءَ اسرائیل ءِ زلم ءُ زوراکی آنی سر ءَ چمشانک دیگ ءِ تہ ءَ جوانیں کرد پیلو کنگ ءِ سر ءَ شرپ ءُ شان ءِ درشانی کت ءُ گوشت کہ صحافی ءِ گلوبل کمیونٹی ءَ را گلوبل ءِ رد ءَ رد ءُ بند داتگ۔ مظلوم ءِ توار ءَ را گلوبل فورماں آرگ ءَ انت۔ آئی ءَ گوشت کہ اے ھما آزات ءُ شعوری اھوالکاری اِنت کہ انسانی ھمدردی ءُ راستی ءِ راستیں درشان اِنت۔ بنجاھی وزیر اطلاعات عطا اللہ تارڑ ءَ میڈیا ءِ محتاط، ذمہ وار ءُ راجی مفاد ءِ رد ءَ بھارت ءِ زوراکیں کارروائی آنی سر ءَ رپک ءِ ساڑات۔ آئی ءَ گوشت کہ پاکستان ءِ رسانکدر جھان ءِ تک ءَ ریاست ءِ بستار ءَ را جوانیں رنگ ءَ پدر کنگ ءَ انت ایش راجی سلامتی، دری پالیشی ءُ راجی یکوئی ءِ واستہ سک باز المی انت۔ پاکستان ءِ حکومت ءِ سرجمیں رنگ ءَ آجوئی ءِ درشان ءِ سر ءَ باور اِنت۔ آئی ءَ گوشت کہ توامیں میڈیا ادارگ آناں وتی پیشہ وارانہ زمہ واری آزاتی ءَ پیلو کنگ ءِ ھک است انت، لبز ءِ آجوئی ءُ ھال رسانی ءِ رسگ کجام ھم جمہوری چاگرد ءِ نشان انت۔ حکومت صحافی آنی رکھینگ، وشھالی، ءُ پیشہ وارانہ تربیت ءِ ھاترا ھرچ وڑیں گامگیج زورگ ءَ اِنت۔ بنجاھی وزیر ءِ اھوالکاری ءَ گوشت کہ ایوک ءَ یک ذمہ وار ءُ سرپدیں رسانکدر ءِ ملک ءَ را چیلنج آنی گیواری ءَ کمک کت کنت۔ حکومت پریس ءِ آجوئی ءَ را دل یکیمی کنگ ءُ رسانکدر ءِ ادارگ آنی گوما جوڑیشت ءِ گپ ءُ تران ءِ برجاہ دارگ ءِ واستہ جزم انت۔
