اسلام آباد۔ 02 مئی (اے پی پی) دفترخارجہ پارینے کہ پاکستانی شاری تا ویزہ ءِ منسوخ کننگ نا بھارتی فیصلہ بھلو انسانی چیلنج اس ودی کننگ ءِ۔ بھارت آن پدی بروک آ پاکستانی شاری تیکن واہگہ بارڈر کراسنگ نا دستیابی نا بارواٹی میڈیا نا سوج آتا ورندی ءِ ترسا ترجمان دفترخارجہ پارے کہ پاکستانی شاری تا ویزہ ءِ منسوخ کننگ نا بھارتی فیصلہ بھلو انسانی چیلنج اس ودی کننگ ءِ ، بھاز انگا ناجوڑ ہرافتا طب خراب ئس، ءِ تینا درمان ءِ پورو کننگ آن بیدس پاکستان آ پدی بروئی تمانے۔ ترجمان پارے کہ داڑتون اوار اوار خاہوت آتا منقسم مننگ و چناتا تینا لمہ و باوہ غان اسٹ اسے آن جتا مننگ نا حوال آک ءُ۔ واہگہ اٹاری بارڈر کراس کننگ نا آخیریکو تاریخ 30 اپریل ئس۔ اوپارے کہ دارداٹ نن میڈیا نا ہمو حوال آتیان معلومدار اُن ہرافتے ٹی پاننگانے کہ گڑاس پاکستانی شاری اٹاری ٹی اختہ ءُ، اگہ بھارتی کمامدارآک اوفتے تینا کنڈآن سرحد پار کننگ نا موکل ایترہ تو نن تینا شاری تے بخیر اٹ پاننگ کن تیار اُن۔ ترجمان پارے کہ واہگہ بارڈر آخبت اٹ ہم پاکستانی شاری تیکن ملوک مریک۔
