مقبوضہ کشمیر اٹی بھارتی ظلم و انسانی حق انا لتاڑتے تالان کننگ اٹ پیشن نا ملک آباد اوورسیز کشمیری تا بے مٹ کڑد ءِ اسُل است آن دننگ مفک، بیرسٹر سلطان محمود

اسلام آباد۔ 02 مئی (اے پی پی) صدر آزاد جموں وکشمیر بیرسٹر سلطان محمود پارینے کہ کشمیر نا ویل ءِ جہانی کہول آ زندہ تخنگ و مقبوضہ کشمیر اٹی بھارتی ظلم و انسانی حق انا لتاڑتے تالان کننگ اٹ پیشن نا ملک آباد اوورسیز کشمیری تا بے مٹ کڑد ءِ اسُل است آن دننگ مفک ۔ اوورسیز کشمیریک مدام دنیا نا ہرفورم آ کشمیر نا ویل ءِ تالان و بھارتی ظلم آ انٹرنیشنل کمیونٹی ءِ معلومدار کرینو، انتئے کہ بھارت 5 اگست 2019ء آن پد آن ہلیس داتم اسکان مقبوضہ کشمیر اٹی کشمیری الس آ ظلم انا زی آ ظلم کرینے و داسہ بھارت دنیا نا مون آ پہلگام اٹی فالس فلیگ آپریشن نا راگ ءِ کرسا کشمیری تیا برجابربریت اٹی پین ودکی کرینے، ہنداسوب آن پیشن نا ملک آباد کشمیری تے پین منظم و متحرک مرسا بھارت نا مقبوضہ کشمیر اٹی است ہسون ظلم ءِ دنیا نا مون آاتوئی مریک۔ داخیال آتا درشانی ءِ صدر آزاد جموں وکشمیر بیرسٹر سلطان محمو د چوہدری مچ آ دنیا غان بروک اوورسیز کشمیری تا ڈل اتون ایوان صدر کشمیر ہاؤس اسلام آباد اٹی اوڑدہی کرینے۔ داوخت آ ڈل اٹی تحریک کشمیر برطانیہ نا صدر راجہ فہیم کیانی، مسکوہی سلاہکار چوہدری شعبان ، برطانیہ غان راجہ نجابت حسین، گلاسکو آن راجہ حنیف، اٹلی آن بابر وڑائچ، دبئی آن سرداجاوید یعقوب، پاکستان مسلم لیگ(ن) برطانیہ نا صدر عبدالرحمان ، امریکہ غان عرفان الحسن، آئرلینڈ آن چوہدری ندیم اختر، امریکہ غان چوہدری احتشام الحق و ایلوفک اوار ئسر۔