سیالکوٹ۔ 02 مئی (اے پی پی) صدر سیالکوٹ ایوان صنعت و واپار اکرام الحق پارینے کہ پاک بھارت بے چیٹی آ مچ آ قوم یکجاءِ وپاکستان نا سلہہ بند فوج ہرجارحیت نا پبی ورندی ءِ تننگ نا لائخی تخک۔ اے پی پی تون گپ وتران کرسا صدر ایس سی سی آئی نا پاننگ ئس کہ پاکستان 1947اٹی جوڑ مس، ولے بدبختی اٹ بھارت اینو اسکان پاکستان نا وجود ءِ است اٹ امنا کتنے، بھارت مدام موقع خنسا پاکستان ءِ نسخان تننگ نا کوشست کرینے، کشمیر پاکستان نا شہ رگ ءِ، ہراڑآ بھارت ناروا کوزہ کرینے و کشمیری تا توار ءِ طاقت نا زور آ توننگ انگ ءِ ہرادے اسُل سگنگ پننگک۔ ملک امام الدین شوقین پارے کہ پاکستان اسہ پرامن ءُ ملک اسے و مدام امن نا علمبردار مسنے، ولے اگہ کس اس پاکستان نا سالمیت ءِ چیلنج کیک تو اودے پبی ورندی تننگک۔ اوپارے کہ 1965ء ٹی بھارت ءِ پبی سبخ تننگاسس داسہ ہم اگہ غلطی اس کیک تو او تینا انجام کن تیار سلے۔
