اسلام آباد۔2مئی (اے پی پی): معاون مزن وزیر ءُ درئی کارانی وزیر سینیٹر محمد اسحاق ڈار ءَ جمعہ ءِ روچ ءَ ڈنمارک ءِ درئی کارانی وزیر لارس لوکے راسموسین ءَ گوں فون ءِ سر ءَ گپ ءُ تران کتگ۔ درئی کارانی کارگس ءِ رد ءَ نائب مزن وزیر ءَ دری کارانی وزیر راسموسین ءَ را بدل بوھوکیں دمگی جاور ھال ءُ بھارت ءِ بے بنیں الزام ءُ آئی ءِ یک نیمگی ءُ اشتعال انگیز کارروائی آنی بابت ءَ سرپد کتگ۔ گامگیج آنی پسو ءَ پاکستان ءِ راجی سلامتی کمیٹی ءَ را گامگیج آنی بابت ءَ سرپد کنگ بوتگ۔ آئی ءَ بھارت ءِ نیمگ ءَ سندھ ءِ آپانی معاہدہ ءِ سرا بندش جنگ ءِ پیسلہ ءَ را سک رد کتگ کہ اے معاہدے ءِ شق ءُ میاں اوستمانی کانود ءِ سرا ھاسیں خلاف ورزی انت۔ گپ ءُ تران ءِ تہ ءَ نائب مزن وزیر ءَ پاکستان ءِ دمگی امن ءُ ایمنی ، آئی ءِ وت واجہی ءُ راجی نپ آنی واستہ پاکستان ءِ کرد ءُ عزم ءِ ذکر کتگ۔ وزیر ءِ درئی کار راسموسین ءَ کش ءُ چیل ءِ تہ ءَ گیشی ءِ سر ءَ جیڈھ ءِ درشانی کتگ ءُ دوئیں نیمگ آنی نیمگ ءَ چہ وتی تحمل ءِ سر ءَ زور پر داتگ۔ دوئیں رہشوناں اقوام متحدہ ءِ سلامتی کونسل ءِ غیر دائمی باسک ءِ بستار ءَ ھوار دمگی ءُ جھان ءِ دیمروئی آنی ھوالگ ءَ سلامتی کونسل ءَ نزیکیں ھمگرنچی ءِ برجاہ دارگ ءِ سر ءَ تپاک کتگ۔ ایشاں دو نیمگی کمک ءَ را ھاسیں رنگ ءَ اقتصادی ءُ سرمایہ کاری ءِ شوبگ آنی تہ ءَ گیش مھکم کنگ ءِ ھوار مزن تک ءِ تبادلہ آناں دیمروئی دیگ ءِ سر ءَ ھم تپاک کتگ۔
