اسلام آباد۔2مئی (اے پی پی): مزن وزیر محمد شہباز شریف ءَ سعودی عرب ءَ ھوار براتیں ملک آں چہ لوٹ کتگ کہ آ دمگ ءِ تہ ءَ کش ءُ چیل ءِ کم کنگ ءِ واستہ ھندوستان ءِ سر ءَ زور پر بہ دنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ گوں سعودی عرب ءِ سفیر نواف بن سعید المالکی ءَ گند ءُ نند کتگ ات، ایشی ءِ تہ ءَ مزن وزیر ءَ دو بادشاہ ءِ نگہبان سلضیق بادشاہ صالد ہولی ءِ ھاتر ءَ وتی نیکیں واھگ آنی درشانی کتگ ات۔ ولی عہد ءُ مزن وزیر شہزادہ محمد بن سلمان بن عبدالعزیز السعود ءِ سرا نبشتہ کتگ۔ آئی ءَ سعودی سروکی ءُ الس ءِ شگر ءُ منت گپت کہ آ مدام پاکستان ءِ گوما یکوئی ءِ درشان کن اَنت۔ پہلگام ءِ وئیل ءَ پد جنوبی ایشیا ءِ استیں امن ءُ ایمنی ءِ جاور ھال ءِ ھوالگ ءَ پاکستان ءِ لیکہ ءِ درشان کنان ءَ مزن وزیر ءَ گوشت کہ پاکستان ءَ ناشرکاری ءِ ھمک رنگ ءُ درور مذمت کتگ انت۔ پاکستان ءَ سالانی سال آنی تہ ءَ ناشرکاری ءِ ھلاپ ءَ کوشست آنی تہ ءَ مزنیں قربانی داتگ کہ ایشی ءَ چہ نہ ایوک ءَ پاکستان ءِ بلکیں سرجمیں دگنیا ءِ ایمنی ءِ واستہ بے دروریں ھاسیں قربانی ثابت بوتگ۔ آئی ءَ پاکستان ءَ را پہلگام ءِ وئیل ءَ گوں بے ھچ ثبوت ءَ ھمگرنچ کنگ ءِ بے بنیں ھندی الزام آناں گوں سدکی ءَ رد کت ءُ اے وئیل ءِ سر ءَ شفاف ءُ غیر جانبداریں میاں اوستمانی پٹ ءُ پول ءِ لوٹ ءِ پدا زور دات۔ مزن وزیر ءَ سعودی عرب ءَ ھوار دوستیں ملک آنی کمک ءَ گوستگیں 15ماھ آنی محنت ءَ چہ زرتگیں اقتصادی سوبمندی آناں یکجا کنگ ءِ سر ءَ حکومت ءِ سرجمیں دلگوشی ءَ را پدر کنان ءَ گوشت کہ پاکستان ءِ سوبمندی آناں ھترہ ءِ تہ ءَ ایر کنگ ءُ ملک ءَ را اقتصادی دیمروئی ءِ راہ ءَ چہ کشگ ءِ واستہ بھارتی کوشست ناقابل فہم انت۔ آئی ءَ سعودی عرب ءَ ھوار براتیں ملک آنی سر ءَ زور پر دات کہ آ دمگ ءَ کش ءُ چیل آنی تہ ءَ کمی ءِ واستہ ھندوستان ءِ سر ءَ زور پر بہ دنت۔ آئی ءَ جنوبی ایشیا ءَ امن ءُ ایمنی ءِ واستہ پاکستان ءِ واھشت ءِ یک رندے پدا گوشت۔ سعودی سفیر ءَ اے ھاسیں جیڈھ ءِ سر ءَ وتی ھیالانی درشان کنگ ءِ سر ءَ مزن وزیر ءِ منت گپت ءُ گوشت کہ سعودی عرب پڑ ءَ امن ءُ ایمنی ءِ واستہ پاکستان ءِ گوما کار کنگ لوٹ ایت۔
