اسلام آباد۔2مئی (اے پی پی): وفاقی وزیر خزانہ سینیٹر محمد اورنگزیب ءَ اقتصادی اصلاحات ءُ دیمروئی ءِ ھاتر ءَ پاکستان ءِ عزم ءِ پدر کنگ ءَ گوشت کہ پاکستان ءِ مالیاتی نظم و ضبط ءُ اصلاحات ءَ را جھان ءِ تک ءَ ساڑاھگ بوتگ۔ جمعہ ءِ روچ ءَ وزارت ءِ ھزانگ ءِ نیمگ ءَ جاڑی بوتگیں بیان ءِ رد ءَ وزیر ھزانگ ءَ گوشت کہ پاکستان ءِ اقتصادی برجائی ءِ واستہ میاں اوستمانی شریک آنی کمک است انت، ءُ حکومت ءِ کوشست آنی سبب ءَ مہنگائی ءُ کرنٹ اکاؤنٹ ءِ خسارہ ءِ سر ءَ کنٹرول کنگ بوتگ۔ آئی ءَ گوشت کہ جون ءَ تاں پاکستان ءِ زرّ ءِ ذخیرہ 14ارب ڈالر ءَ سر بیت، وھدیکہ جون ءَ تاں ٹیکس ٹو جی ڈی پی ءِ تناسب ھم 10.6درسد ءَ سر بیت۔ وفاقی وزیر خزانہ سینیٹر محمد اورنگزیب ءَ جمعہ ءِ روچ ءَ سٹینڈرڈ اینڈ پورز (ایس اینڈ پی) گلوبل ریٹنگز ءِ نمائندگ آنی گوما زوم ءِ سر ءَ گند ءُ نند کتگ ات، ایشی ءِ تہ ءَ پاکستان ءِ وت واجہی کریڈٹ ریٹنگ ءِ سر ءَ چار ءُ تپاسی ءِ یک سلسلہ ءِ بھر ات۔ گند ءُ نند ءِ ساھت ءَ وزیر ھزانگ ءَ حکومت ءِ اقتصادی اصلاحات ءِ سر ءَ زور پر دات ءُ پائیدار ءُ ھواریں دیمروئی ءِ واستہ برآمدات ءِ تہ ءَ گیشی ءُ پیداواری ءِ تہ ءَ گیشی ءِ سر ءَ زور پر دات۔ آئی ءَ ٹیکس، توانائی، سرکاری ادارگ، نجکاری، مالیاتی انتظام ءُ قرضہ ءِ انتظام ءِ پڑ ءَ اصلاحات ءِ برجاہ دارگ ءِ ھم دل یکیمی دات۔ افراط زر ءُ کرنٹ اکاؤنٹ ءِ خسارہ ءِ سر ءَ اے سال ءَ کنٹرول بوتگ ایشی ءَ چہ معیشت ءَ استحکام اتکگ۔ وزیر خزانہ ءَ پرائمری بیلنس ءُ کرنٹ اکاؤنٹ ءِ سرپلس ءَ را ھاسیں سوبمندی لیک اتگ۔ آئی ءَ گوشت کہ جون ءِ گڈ ءَ تاں ملک ءِ زرّ ءِ ذخیرہ 14ارب ڈالر ءَ سر بیت۔ ادارہ جاتی ءُ تجارتی سرمایہ ءِ آمد، حوالہ جات ءُ تیل ءِ نرخانی تہ ءَ کپگ ءِ کرد درملکی زرّ ءِ ذخائر ءِ تہ ءَ ھاسیں رنگ ءَ گندگ بیت۔ آئی ءَ مالیاتی نظم ءُ ضبط ءُ وفاقی ءُ صوبائی حکومت آنی نیام ءَ مھکمیں ھمگرنچی ءَ را بنجاہی سرپلس ءِ رسگ ءِ سبب لیک اتگ۔ وزیر خزانہ ءَ راجی مالیاتی پیکج، راجی ٹیکس کونسل ءِ زندگ کنگ ءُ کشت ءُ کشاری آمدنی ءِ سر ءَ ٹیکس ءِ وڑیں گامگیج آناں مرکز ءُ صوبگ آنی نیام ءَ مھکمیں ھمگرنچی ءِ عکس لیک ات ءُ گوشت کہ جون ءِ گڈ ءَ تاں ٹیکس ٹو جی ڈی پی ءِ تناسب 10.6درسد ءَ سر بوھگ ءِ گمان اِنت کہ اے 10.6درسد ءِ دیمروئی ءِ ٹارگٹ اِنت۔ آئی ءَ گوشت کہ ٹیکس پالیسی کارگس ایف بی آر ءَ چہ جتا کنگ بوتگ تانکہ ٹیکس پالیسی اقتصادی سوچ ءُ سوچ ءِ چیر دستی ءَ بہ بنت۔ وزیر ءِ ھزانگ ءَ وتی گوستگیں تر ءُ تاب ءِ ساھت ءَ امریکہ ءَ ورلڈ بینک ءُ آئی ایم ایف ءِ بہار ءِ دیوان آنی ساھت ءَ کلیدی میاں اوستمانی شریک آنی گوما 70 ءَ چہ گیش گند ءُ نند آنی ذکر کنان ءَ گوشت کہ اے گند ءُ نند آنی تہ ءَ میاں اوستمانی شریک آنی نیمگ ءَ پاکستان ءِ اقتصادی اصلاحات آناں ساڑاتگ ءُ ایشی ءِ برجاھیں عمل درآمد ءِ ھم سرجمیں رنگ ءَ کمک ءُ کمک کتگ۔
