اسلام آباد۔2مئی (اے پی پی): وزیر خزانہ سینیٹر محمد اورنگزیب ءَ اوورسیز انویسٹرز چیمبر آف کامرس اینڈ انڈسٹری ءِ گوما زوم ءِ سر ءَ گند ءُ نند کتگ ءُ اقتصادی استحکام ءُ اصلاحات ءِ واستہ حکومت ءِ عزم ءِ پدا زور داتگ۔ وزارت خزانہ ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءَ وزیر خزانہ ءَ پائیدار دیمروئی، اقتصادی اصلاحات، ءُ اقتصادی دیمروئی ءِ تہ ءَ نجی شعبہ ءِ سروکیں کرد ءِ سر ءَ زور دیگ ءِ سر ءَ تپاک کتگ۔ وفاقی وزیر خزانہ سینیٹر محمد اورنگزیب ءَ جمعہ ءِ روچ ءَ زوم ءِ سر ءَ اوورسیز انویسٹرز چیمبر آف کامرس اینڈ انڈسٹری ءِ کارندہ ءُ باسک آنی گوما تفصیلی گند ءُ نند کت۔ گند ءُ نند ءِ ساھت ءَ وزیر ءِ ھزانگ ءَ حکومت ءِ اقتصادی اصلاحات ءِ ایجنڈا ءُ پائیدار، مھکم ءُ ھواریں دیمروئی ءِ واستہ برجاھیں عزم ءِ سر ءَ زور پر دات۔ وزیر خزانہ ءَ معیشت ءَ را کارآمد، شفاف ءُ احتساب جوڑ کنگ ءِ واستہ ٹیکس، توانائی، پبلک فنانس ءُ سرکاری ادارگ آنی تہ ءَ برجاھیں اصلاحات آنی ذکر کت۔ آئی ءَ گوشت کہ مالیاتی نظم و ضبط، وفاقی ءُ صوبائی حکومت آنی نیام ءَ گہتریں رابطہ، ادارگی اصلاحات ءِ وسیلگ ءَ معیشت ءِ استحکام ءِ تہ ءَ مزنیں پیشرفت بوتگ۔ اے گامگیج آنی مول ءُ مراد یک انچیں معیشت ءِ جوڑ کنگ اِنت کہ آ اندری ءُ درائیں چیلنج آنی دیم ءَ اوشتات کنت۔ وزیر خزانہ ءَ یک رندے پدا گوشت کہ حکومت نہ ایوک ءَ اقتصادی برجائی ءَ را برجائی کنگ لوٹ ایت بلکینگ ءَ نجی شوبگ ءَ را دیمروئی ءِ کلیدی ڈرائیور جوڑ کنگ ءِ واستہ ھم جزم اِنت۔ وزیر خزانہ ءَ او آئی سی سی ءِ سفارش آناں ارزشتی ایں لیک اتگ ءُ بجٹ ءِ تیاری ءِ عمل ءَ ایشی ءِ سر ءَ ھیال ءُ لیکہ کنگ ءِ دل یکیمی داتگ۔ او آئی سی آئی ءَ حکومت ءِ میاں اوستمانی شریک ءُ اصلاحات ءِ گامگیج آنی گوما موثر گپ ءُ تران ءِ توسیپ کت۔ چیمبر ءَ ٹیکس بیس ءَ را گیش کنگ ، ٹیکنالوجی ءُ انٹر ایجنسی کمیونیکیشن ءِ وسیلگ ءَ نظام ءَ را گیش موثر جوڑ کنگ ءُ نجی شعبہ ءِ گوما باقاعدہ مشاورت ءَ را گیش کنگ ءِ سفارشات ھم داتگ انت۔ چیمبر ءِ حکام ءَ گوستگیں سال ءِ تہ ءَ کاروباری اعتماد ءِ سروے ءَ کاروباری آب و ہوا ءِ تہ ءَ جوانیں رجحان ءِ سر ءَ چمشانک داتگ۔ آئی ءَ امیت سہرا کت کہ انوگیں اقتصادی گہتری ءَ چہ آیوکیں ماہ آنی تہ ءَ ایشی ءَ چہ گیش جوانیں سرمایہ کاری ءِ موہ پیداک بنت۔
