اسلام آباد۔2مئی (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوں پاناما ءِ درئی کارانی وزیر ہاویئر ایڈورڈو مارٹنز آچا واسکیز ءَ ٹیلی فون ءِ سر ءَ گپ ءُ تران کتگ۔ درئی کارانی کارگس ءِ رد ءَ نائب مزن وزیر ءَ آھاں دمگی جاور ھال آنی بابت ءَ سرپدی داتگ کہ ایشی ءِ تہ ءَ بھارت ءِ اشتعال انگیز پروپیگنڈا، پاکستان ءِ ھلاپ ءَ یک نیمگی ناجائزیں کارروائی ءُ سندھ ءِ آپانی معاہدہ ءَ ھوار میاں اوستمانی کانود ءِ بے دروریں ھلاپ ورزی ءِ بابت ءَ سرپدی داتگ۔ پاناما ءِ درئی کارانی وزیر ءَ دوئیں نیمگ ءَ چہ زور پر داتگ کہ آ وت ءَ را وتی سرا زُرت بہ کن اَنت۔ اقوام متحدہ ءِ سلامتی کونسل ءِ غیر دائمی باسک ءِ بستار ءَ دوئیں ملکاں میاں اوستمانی امن ءُ ایمنی ءِ ھاتر ءَ وتی عزم ءِ پدا پدر کتگ۔
