دبئی ۔2مئی (اے پی پی): وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءَ پاکستان بزنس کونسل ءِ ڈل ءَ گوں دبئی ءَ گند ءُ نند کت۔ گند ءُ نند ءَ امارات ءَ پاکستان ءِ سفیرفیصل نیاز ترمذی، قونصل جنرل حسین محمد ءُ اے دگہ مزنیں کارندہ ھم ساڑی اتنت۔ چیئرمین پاکستان بزنس کونسل دبئی شبیر مرچنٹ ءَ وفاقی وزیر ءَ را وش اتک کت ءُ اوورسیز کنونشن اسلام آباد ءِ سوبمندیں برجم دارگ ءِ واستہ حکومت ءِ کوشست آناں ساڑات۔ سفیر فیصل ترمزی ءَ وفاقی وزیر ءِ گوستگیں امارات ءِ تر ءُ تاب ءُ مزن تک ءِ گند ءُ نند آنی بابت ءَ تفصیل پیش کت کہ ایشی ءِ تہ ءَ ابوظہبی ءُ دبئی ءِ مزنیں حکام ءِ گوما گند ءُ نند ھوار ات۔ آئی ءَ کمیونٹی اسکول ءِ تر ءُ تاب ءُ پاکستان ڈے ءِ مراگش ءَ بھر زوری ءِ پد ءَ وفاقی وزیر ءِ ھم شگر ءُ منت گپت۔ وفاقی وزیر احسن اقبال ءَ امارات ءَ بنجاہی پاکستانی کاروباری براتی ءَ را برآمدات ءِ تہ ءَ گیشی ءُ سرمایہ کاری ءِ آرگ ءِ تہ ءَ کلیدی کرد پیلو کنگ ءِ سر ءَ زور پر دات۔ آئی ءَ ’’اُدان پاکستان‘‘ ءِ وژن ءِ سر ءَ زور پر دات، 2025 ءَ تاں کھرب ڈالر ءِ معیشت ءِ ٹارگٹ ءُ پنچ اولویت ءِ شوبگ آنی سر ءَ زور پر دات۔ آئی ءَ درملک ءَ پاکستانی آنی ازمت آناں ساڑات ءُ کمیونٹی اسکول آنی گہتری ءُ قونصل خانہ آنی تہ ءَ گیشی ءِ واستہ حکومتی گامگیج آناں دل یکیمی کت۔ وفاقی وزیر ءَ پاکستان ءُ متحدہ عرب امارات ءِ نیام ءَ اقتصادی سیادی ءَ را گیش دیمروئی دیگ ءِ واستہ پاکستانی کاروباری براتی ءَ چہ شور ءُ سلاھ لوٹ اتگ۔
