اسلام آباد۔1مئی (اے پی پی): صدر آصف علی زرداری ءَ مزدور ءُ مزدور طبقہ ءَ را معیشت ءُ راجی دیمروئی ءِ ڈرائیونگ فورس لیکگ ءِ وھد ءَ مزدور آنی وت واجہی، منصفانہ اجرت، ایمنیں چاگرد ءُ چاگردی سلامتی ءِ ھاتر ءَ وتی جزم ءِ یک رندے پدر کتگ ءُ گوشت کہ ما کارکن ءُ مزدور طبقہ ءَ را خراج تحسین پیش کنیں۔ زالبول کہ ملک ءِ دیمروی ءِ تہا یک مزنیں کردے پیلو کن انت۔ صدر ءِ مملکت ءَ مزدور ءِ میاں اوستمانی روچ ءِ موہ ءَ وتی کلوہ ءِ تہ ءَ گوشت کہ مرچی مارا ھما راجدپتری جہد ءِ یات ءَ دنت کہ سرجمیں دگنیا ءَ مزدور آں وتی ھک ءُ شرپ ءِ واستہ کتگ۔ آئی ءَ گوشت کہ کارکن نہ ایوک ءَ مئے انفراسٹرکچر جوڑ کن اَنت بلکینگ ءَ مئے صنعت، کشت ءُ کشاری ءُ معیشت ءِ دیمروئی ءَ ھم المی کرد پیلو کن اَنت۔ اے کارمند مئے صنعت، کشت ءُ کشاری، کسان ءُ میان اُستمانی کاروباری ادارہ، سرکاری ءُ دگہ سرکاری پڑاں چلائینگ ءَ اَنت۔ مئے کارکن مئے شان انت ءُ مئے راجی دیمروئی ایشانی محنت ءُ کردار ءِ سوب انت۔ صدر ءِ مملکت ءَ گوشت کہ مرچی تیزی ءَ گوں بدل بوھوکیں دُگنیا ءَ مارا یک وشیں باندات ءِ پھازگ ءِ واستہ وتی ورنا ءُ کارکن ءَ ہنرمند جوڑ کنگ ءِ سر ءَ دلگوشی دیگی اِنت۔ مارا وتی کارکن ءُ ورناہاں نوکیں مہارتاں گوں لیس کنگ لوٹیت کہ آ یک مدام بدل بوھوکیں نوکری ءِ بازار ءِ چیلنجاں گوں دیم پہ دیم بہ بنت۔ آئی ءَ سرجمیں حکومت، نجی ادارگ، وانگ ءُ زانگ ءِ ادارگ، ءُ سول سوسائٹی ءَ را زور پر دات کہ آ مئے کارکن آنی مہارت آنی دیمروئی ءِ واستہ یک جامعیں نظام ءِ جوڑ کنگ ءَ وتی کرد ءَ پیلو بہ کن اَنت۔ آئی ءَ گوشت کہ منصفانہ لیبر ءِ چاگرد ءِ جوڑ کنگ ءُ مزدور آنی گہبودی ءِ واستہ کار ءِ واھند، ٹریڈ یونین، سول سوسائٹی ءُ سرکاری پڑ ءَ چہ لوٹ کناں۔ آئی ءَ گوشت کہ بیا اِت ما ملک ءَ بامردیں پالیسی، شمولیت ءِ دیمروئی ءُ یک انچیں دود ءُ ربیدگ ءِ دیمروئی ءَ بہ کن ایں کہ اودا ہر کارکن ءِ کرد ءِ احترام کنگ بہ بیت۔
