اسلام آباد۔1مئی (اے پی پی): آرمی اسٹاف ءِ سروک جنرل سید عاصم منیر ءَ مھروانیں وطن ءِ ایمنی ءُ حاکمیت ءِ ھاترا وتی جزم ءِ درشان کنان ءَ گوشت کہ پاکستان دمگی امن ءِ واستہ جزم اِنت بلے کس ءَ را ھچ وڑیں نادراھی ءِ چیر ءَ مہ بیت، آ بھارت ءَ را لائکیں پسو دنت۔ پنچ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ آرمی چیف سید عاصم منیر ءَ تلہ فیلڈ فائرنگ رینج ءِ تر ءُ تاب کتگ ءُ پاک فوج ءِ منگلا اسٹرائیک کور ءِ جنگی مشق آنی سر ءَ چار ءُ تپاسی کتگ۔ ادا سر بوھگ ءَ گوں کور ءِ کمانڈر ءَ جنرل ءَ را وش آتک کت۔ تر ءُ تاب ءِ ساھت ءَ اُرداں گوں تران کنان ءَ آرمی چیف ءَ گوشت کہ پاکستان دمگی امن ءِ واستہ یکزمیگ انت ءُ راجی نپ آنی رکھینگ ءِ واستہ مئے تیاری ءُ جزم بے درور انت ۔ آرمی چیف ءَ افسر ءُ مردین آنی مزنیں حوصلہ، جنگی ہنر ءُ جزبگ ءَ را ساڑات۔ بیان ءِ رد ءَ اے مشق ءِ ھاتر ءَ جنگی تیاری، جنگی میدان ءِ ھمگرنچی ءُ جنگی میدان ءِ نزیکیں جاور آنی تہ ءَ نوکیں سلاہ آنی نظام ءِ آپریشنل انضمام ءِ توثیق ءِ ھاتر ءَ جوانیں رنگ ءَ جوڑ کنگ بوتگ۔ روایتی جنگی میدان ءِ منظر نامہ ءِ ھاتر ءَ جنگی جہاز، جنگی ہوابازی ءِ سامان، دراجیں دوری ءِ توپ خانہ ءُ آیوکیں نسل ءِ فیلڈ انجینئرنگ ءِ تکنیک ءَ ھوار نوکیں صلاحیت آنی یک جتائیں رینج ءِ کارمرز کنگ بوتگ۔ ہمگامیں جارحانہ مشق آنی وھد ءَ درستیں اسلحہ ءُ سروسز ءِ فوجی کارندہ آں غیر معمولی حکمت عملی، رفتار ءُ مہلک ءِ درشانی کتگ کہ ایشی ءَ چہ تربیت ءُ پیشہ وارانہ ءِ غیر معمولی سطح ءِ عکاسی بوتگ۔ زانگ بہ بیت کہ اے مشق ءَ پاک فوج ءِ متحرک ءُ غیر متحرک آپریشنل صلاحیت آناں گیش کنگ ءِ واستہ ھاسیں ءُ نوکیں ٹیکنالوجی آنی گیشیں کارمردی ءِ درشانی کتگ۔ مشق ہیمر سٹرائیک پاکستانی فوج ءِ سختیں تربیت، نظریاتی ءُ ٹیکنالوجی ءِ جدت ءِ وسیلگ ءَ برجاھیں بدلی ءِ گواہی اِنت۔ سینئر فوجی قیادت، فارمیشن کمانڈر ءُ جتا جتائیں سروسز ءِ مہماناں مشق ءِ گواہ بوتگ انت۔
