اسلام آباد۔1مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق دار ءَ پنچ شمبے ءِ روچ ءَ سومالیہ ءِ نائب مزن وزیر / دری کارانی وزیر عبدالسلام عبدی علی ءَ گوں ٹیلی فون ءِ سر ءَ گپ ءُ تران کت ءُ آھاں بھارت ءِ یک نیمگی پروپیگنڈا ءِ تہ ءَ پیداکیں جاور ھال آنی بابت ءَ سرپد کت۔ آپانی معاہدہ۔ دوئیں نیمگ ءَ وت مہ وتی سیادی آناں گیش مھکم کنگ ءِ سر ءَ ھم تپاک کنگ بوتگ۔ دری کارانی کارگس ءِ جارکش ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ سومالی ءِ دری کارانی وزیر ءَ را آئی ءِ گچینکاری ءِ سر ءَ مبارک بات داتگ ءُ دمگ ءَ بھارت ءِ بے بنیں پروپیگنڈا ءُ یک نیمگی کارروائی آنی سبب ءَ پیداکیں جاور ھال آنی بابت ءَ سرپدی داتگ ایشی ءِ تہ ءَ سندھ ءِ آپ آنی معاہدہ ءِ مھتل کنگ ھم ھوار اِنت۔ سومالی ءِ درئی کارانی وزیر ءَ جاور ھال آنی سر ءَ جیڈھ آنی درشانی کتگ ءُ دمگی امن ءُ ایمنی ءِ برجائی ءِ واستہ سفارتکاری ءِ وسیلگ ءَ جیڈھ آنی گیواری ءِ ارزشت ءِ سر ءَ زور پر داتگ۔ اقوام متحدہ ءِ سلامتی کونسل ءِ غیر دائمی باسک ءِ بستار ءَ دوئیں رہشوناں کثیر جہتی کمک ءَ را مھکم کنگ ءِ ھاترا وتی جزم ءِ نوک کت۔ دوئیں نیمگ ءَ وت مہ وتی سیادی آناں گیش مھکم کنگ ءِ سر ءَ ھم تپاک کنگ بوتگ۔
