اسلام آباد۔1مئی (اے پی پی): راجی اسمبلی ءِ اسپیکر سردار ایاز صادق ءَ گوشت کہ مزدور آنی ھک آنی رکھینگ مئے درست آنی یکجائی زمہ واری انت، راجی دیمروئی ءِ تہ ءَ مزدور آنی کرد شموشگ نہ بیت۔ آئی ءَ میاں اوستمانی کارگر روچ ءِ درگت ءَ وتی کلوہ ءِ تہ ءَ گوشت کہ یکم مئی کارگر آناں شگر ءُ منت ءِ درشان کنگ ءِ روچ اِنت، کارگر ملک ءِ دیمروئی ءِ ریڑھ ءِ ھڈ اَنت، اسلام ءَ کارگر آناں مزنیں بستارے داتگ۔ سردار ایاز صادق ءَ گوشت کہ مزدور آنی ھک آنی رکھینگ مئے درست آنی یکجائی زمہ واری اِنت، راجی دیمروئی ءِ تہ مزدور آنی کرد فراموش نہ بیت۔ سردار ایاز صادق ءَ گوشت کہ پاکستان ءِ پارلیمنٹ مزدور آنی ھک آنی رکھینگ ءِ واستہ جزمیگ اِنت، مزدور آنی ھک آنی رکھینگ ءِ بل 2025 راجی اسمبلی ءَ منظور کنگ بوتگ۔ اسپیکر راجی اسمبلی ءَ گوشت کہ بل ءَ کم چہ کم اجرت، رجسٹریشن، ءُ رکھینگ ءَ را قانونی بستار داتگ، درستیں ادارگ کارکن آنی وشھالی ءِ واستہ موثر کانود جوڑ کنگ ءَ وتی کرد ءَ پیلو بہ کن اَنت۔ اسپیکر راجی اسمبلی ءَ گوشت کہ وشھالیں پاکستان ءِ واب مزدور آنی جزم ءَ گوں بندوک انت۔ ہاں، کارگر ءِ میان استمانی روچ کارگر ءِ جزم ءِ نوک کنگ ءِ روچ اِنت۔
