اسلام آباد۔1مئی (اے پی پی):وفاقی وزیر تجارت جام کمال خان ءَ گوشت کہ مزدور آنی بے مٹیں کار مئے معیشت ءِ بُن ھشت انت۔ صنعت، کشت ءُ کشاری، تجارت یا سروسز ءِ شعبہ ءَ گوں ہمگرنچ بہ بنت، مزدور راجی دیمروئی ءِ مستریں ڈرائیور انت۔ پنچ شمبے ءِ روچ ءَ مزدور ءِ روچ ءِ موہ ءَ وتی کلوہ ءِ تہ ءَ وزیر تجارت ءَ گوشت کہ مرچی من ھما محنتی مردین ءُ زالبول آناں دل ءِ جہلانکی ءَ چہ شگر ءُ منت پیش کن آں ایشانی بے مٹیں کوشست مئے معیشت ءِ ریڑھ ءِ ھڈ جوڑ کن اَنت۔ آئی ءَ گوشت کہ محنت ءِ شرپ یک مھکم ءُ آبادیں راج ءِ بنیات انت۔ مئے کارمند، اگاں آ صنعت، کشت ءُ کشاری، تجارت، یا سروسز سیکٹر ءَ گوں ہمگرنچ بہ بنت، آ راجی دیمروئی ءِ اصل ڈرائیور انت۔ جام کمال خان ءَ گوشت کہ وزارت تجارت انچیں چاگرد ءِ پجارینگ ءِ واستہ جزمیگ انت کہ اودا لیبر ءِ ھک آنی رکھینگ بہ بیت، شرپداریں روزگار ءُ منصفانہ تجارتی موہ آنی تہ ءَ گیشی بہ بیت۔ آئی ءَ گوشت کہ ما کارکن آنی مہارت آناں گیش کنگ، بنجاہی صنعت آناں دیمروئی دیگ ءُ برآمداتی گنجائش ءَ را گیش کنگ ءِ واستہ ھواریں اقتصادی دیمروئی ءِ ھاترا درستیں شریک آنی گوما نزیکی ءَ کار کنگ ءَ برجاہ دار ایں، ایشی ءَ چہ مئے مزدور تبک ءَ را براہ راست فائدگ رسیت۔ بیا اِت ما درست پاکستان ءِ تہ ءَ ھر کارگر ءِ برابری ، انصاف ءُ احترام ءِ قدر ءُ قیمتانی سر ءَ وتی جزم ءِ پدا پدر کنگ ءَ ایں ۔
