اسلام آباد۔1مئی (اے پی پی): مزن وزیر محمد شہباز شریف ءَ گوشت کہ آ پاکستان ءَ پہلگام ءِ وئیل ءَ گوں بے ھچ ثبوت ءَ ھمگرنچ کنگ ءِ بھارت ءِ کوشست آناں رد کنت ءُ اے وئیل ءِ سر ءَ شفاف ءُ غیر جانبداریں میاں اوستمانی پٹ ءُ پول ءِ واستہ وتی پیشکش ءَ را پدا پدر کنت۔ آئی ءَ سندھ ءِ آپانی معاہدے ءِ بابت ءَ بھارت ءِ آپی جارحیت ءِ بابت ءَ سکیں تحفظات است انت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ پنچ شمبے ءِ روچ ءَ مزن وزیر محمد شہباز شریف ءُ گتر ءِ امیر شیخ تمیم بن حمد التھانی ءِ نیام ءَ ٹیلی فون ءِ سر ءَ گپ ءُ تران بوتگ۔ مزن وزیر ءَ پاکستان ءِ واستہ یکجہتی ءُ کمک ءِ پد ءَ امیر گتر ءِ شگر ءُ منت گپت کہ دوئیں ملک آنی نیام ءَ براتی ءِ گہتریں براتی سیادی آنی آدینک انت۔ مزن وزیر ءَ جنوبی ایشیا ءِ انوگیں وئیل آنی بابت ءَ گوشت کہ پاکستان ھمک رنگ ءِ ناشرکاری ءِ مذمت ءَ کنت۔ مزن وزیر ءَ ناشرکاری ءِ ھلاپ ءَ جنگ ءَ پاکستانی راج ءِ قربانی آنی سر ءَ زور پر دات۔ آئی ءَ پاکستان ءَ را پہلگام ءِ وئیل ءَ گوں بے ھچ ثبوت ءَ ھمگرنچ کنگ ءِ بھارت ءِ کوشست رد کتگ ءُ اے وئیل ءِ سر ءَ شفاف ءُ غیر جانبداریں میاں اوستمانی پٹ ءُ پول ءِ واستہ وتی پیشکش ءِ پدا زور داتگ۔ مزن وزیر ءَ سندھ ءِ آپانی ھوالگ ءَ بھارت ءِ آپی زوراکی ءِ سر ءَ سک باز جیڈھ ءِ درشانی کت کہ آئی ءَ نا منّگ بوتگیں لیک اتگ ءُ اے گپ ءِ سر ءَ زور پر دات کہ آپ پاکستان ءِ 240ملین مردم آنی زندمان ءِ لیکہ اِنت۔ گوستگیں سال ءِ تہ ءَ پاکستان ءِ گہتر بوھوکیں اقتصادی جاور ھال آناں پدر کنان ءَ مزن وزیر ءَ گوشت کہ پاکستان اقتصادی برجائی ءِ راہ ءَ روگ ءِ وھد ءَ اے رنگیں ھچ وڑیں وئیل ءِ تہ ءَ ھوار بوھگ ءَ چہ ھچ وڑیں نپ نہ رسیت۔ امیر گتر ءَ جنوبی ایشیا ءَ امن ءِ واستہ پاکستان ءِ کوشست آناں توسیپ کنان ءَ گوشت کہ گتر استیں بحران ءِ تہ ءَ کمی ءِ واستہ پاکستان ءِ گوما کار کنگ لوٹ ایت۔
