اسلام آباد۔30اپریل (اے پی پی):نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان ءَ ناشرکاری ءِ ھلاسی ءِ واستہ میاں اوستمانی براتی ءِ گوما کار کتگ ۔ ناشرکاری ءَ چہ پاکستان ءِ وڑیں تاوان کس ءَ نہ رستگ۔ پہلگام ءِ وئیل ءَ پد ہندوستان ءِ غیر ذمہ دار ءُ زوراکیں رویہ ءُ کاراں سرجمیں دمگ بے رھبند کتگ۔ ہر جارحانہ کارروائی ءِ سرا سرجمیں زور ءَ پسو دیگ بیت۔ پاکستان ھمک رنگ ءِ ناشرکاری ءَ ایر جنت۔ بے سلاہیں شہریاں نشانگ جوڑ کنگ ءِ ھرچ کارروائی نا منّگ بیت۔ نائب مزن وزیر سینیٹر محمد اسحاق دار چار شمبے ءِ روچ ءَ ڈائریکٹر جنرل انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری ءِ ہمراہی ءَ پریس کانفرنس ءَ گوں گشتانک دیگ ءَ ات۔ پاکستان ءَ بھارت ءَ را ھال داتگ کہ اگاں آ ھرچ وڑیں گامگیج بہ زوریت گڑا آئی ءِ پسو ءَ گوں مھکمیں پسو ءَ دیگ بیت ءُ ھرچ وڑیں زوراکی ءِ وھد ءَ ملک ءِ وت واجہی ءُ سرزمین ءِ یکوئی ءِ رکھینگ بیت۔ سینیٹر محمد اسحاق ڈار ءَ گوشت کہ بھارتی سروکی وتی ناکامی ءَ چہ دلگوشی ءَ را دور کنگ ءِ واستہ جتاجتائیں پندل کارمرد کنت، ءُ بھارت ءِ غیر ذمہ داریں کارانی سبب ءَ سرجمیں دمگ ھترہ ءِ تہ ءَ انت۔ آئی ءَ گوشت کہ بھارت مقبوضہ کشمیر ءَ آجوئی ءِ تحریک ءَ را ناشرکاری ءَ گوں ھمگرنچ کنگ لوٹ ایت، ءُ اقوام متحدہ ءِ قرارداد آنی تہ ءَ کشمیر ءَ را جھیڑوی دمگ ءِ رنگ ءَ منگ بوتگ۔ نائب مزن وزیر ءَ گوشت کہ بھارت ءَ مقبوضہ کشمیر ءِ الس ءِ ھک ءَ را سُچگ ءِ واستہ سیاہ کانود ءِ سرا زور داتگ۔ ناشرکاری ءِ سبب ءَ پاکستان ءَ مزنیں انسانی ءُ مالی تاوان رستگ، ءُ پاکستانی راج ءُ ادارگاں بہادری ءَ گوں ناشرکاری ءِ ھلاپ ءَ جنگ کتگ۔ نائب مزن وزیر ءَ گوشت کہ ناشرکاری ءِ سبب ءَ پاکستان ءِ وڑ ءَ دگہ ھچ ملک ءَ انچیں قربانی نہ داتگ یا ناشرکاری ءِ سبب ءَ انچو تاوان رستگ۔ سینیٹر محمد اسحاق ڈار ءَ 80ہزار ءَ چہ گیش جانی تاوان ءُ 150ارب ڈالر ءَ چہ گیش معاشی تاوان ءِ حوالہ ءَ گوشت کہ سرجمی ءَ پاکستان ءَ را 500ارب ڈالر ءِ تاوان بوتگ۔ آئی ءَ گوشت کہ پاکستان یکجائی ھوپ ءِ گر ءُ دار ءِ واستہ میاں اوستمانی براتی ءِ گوما کار کنگ ءَ انت۔ آئی ءَ گوشت کہ پاکستان ءِ کانود نافذ کنوکیں ادارگ ءُ شہری آنی قربانی ءَ چہ ناشرکاری ءِ ھوپ ءِ گر ءُ دار ءَ کمک رسیت ءُ دمگی ءُ میاں اوستمانی امن ءُ ایمنی ءِ تہ ءَ کمک رسیت۔ نائب مزن وزیر ءَ گوشت کہ اے پریس کانفرنس ءِ مول ءُ مراد استیں جاور ھال آنی بابت ءَ سرپد کنگ انت۔ دمگ ءِ جاورانی بابت ءَ جتاجتائیں ملکانی سروکاں گوں گپ ءُ تران کنگ بوتگ۔ سینیٹر محمد اسحاق ڈار ءَ گوشت کہ بھارت ءِ غیر ذمہ داریں کارروائی آنی سبب ءَ سرجمیں دمگ ھترہ ءِ تہ ءَ انت۔ ہندوستان زانت ءُ زانت ءَ دمگ ءِ جاوراں گیش کنگ ءَ اِنت۔ ہندوستان ءِ کارروائی جارحیت ءِ سرا بندوک انت۔ ما اے ھترہ ءِ ھوالگ ءَ میاں اوستمانی براتی ءَ گوں رابطہ ءَ آں ۔ آئی ءَ گوشت کہ جنوبی ایشیا ءَ بے رھبندی ءُ جیڈھ آنی مستریں سبب جموں کشمیر ءِ ھوالگ ءَ دیریں وھد ءَ چہ چست بوتگیں نا گیش ءُ گیواریں جیڈھ انت۔ سینیٹر محمد اسحاق ڈار ءَ گوشت کہ یک زمہ واریں ملک ءِ بستار ءَ پاکستان رواداری ءِ سر ءَ ایمان دار ایت ءُ دمگی امن ءِ واستہ جزم انت، البت کجام ھم زوراکی ءِ وھد ءَ ملک ءِ وت واجہی ءُ دمگی یکوئی ءِ سرجمیں رنگ ءَ رکھینگ ءَ کنت۔ آئی ءَ گوشت کہ پاکستان ءَ ھوار بازیں ملک آنی تہ ءَ ناشرکاری ءِ واکیہ آنی پُشت ءَ بھارت انت، پاکستان وت ناشرکاری ءِ آماچ انت، بھارت پاکستان ءَ ھوار دگہ ملک آنی تہ ءَ ناشرکاری ءِ اسپانسر انت۔ آئی ءَ گوشت کہ بھارت مقبوضہ کشمیر ءَ آجوئی ءِ تحریک ءَ را ناشرکاری ءَ گوں ھمگرنچ کنگ لوٹ ایت، بھارت ھاسیں مول ءُ مراد آنی واستہ پاکستان ءَ را ملامت کنگ ءَ انت۔ نائب مزن وزیر ءَ گوشت کہ بھارت پاکستان ءَ ھوار جتاجتائیں ملک آنی تہ ءَ ناشرکاری ءِ تہ ءَ ھوار انت۔ ہندوستان ءِ دود اِنت کہ ناشرکاری ءِ ہر واقعہ ءِ ذمہ وار لیکگ بہ بیت۔ بھارتی سرکار اے وڑیں واقعہاں پہ ناپاکی ءِ سیاسی مول ءُ مراداں کارمرز کنت۔ آئی ءَ گوشت کہ پاکستان ھمک رنگ ءِ ناشرکاری ءِ ھلاپ اِنت، بے گناھیں لس مردم آنی کوش مذمت ءِ لائک اِنت، ءُ پہلگام ءِ وئیل ءَ انسانی جان ءِ تاوان افسوس ءِ گپ اِنت۔ آئی ءَ گوشت کہ اقوام متحدہ ءِ سلامتی کونسل ءَ ھم اے ارش ءِ مذمت کتگ ۔ نائب مزن وزیر ءُ وزیر ءِ درئی کار ءَ گوشت کہ بھارت ءَ کجام ھم وئیل بیت آ بھارت ءِ وتی ڈرامہ انت۔بھارت دگرانی سرا انگل نشانگ کنگ ءِ بدل ءَ وتی اندری جیڑہانی سرا دلگوش بہ دنت۔ پہلگام ءِ واقعہ ءَ پد ہندوستان ءَ غیر ذمہ وار ءُ جارحانہ رویہ زرتگ۔ آئی ءَ گوشت کہ بھارت ءِ ناجائزیں کار ءُ کرد ءُ بیان آنی سبب ءَ جاور پیچیدگ بوتگ انت۔ نائب مزن وزیر ءُ وزیر ءِ درئی کار ءَ گوشت کہ پاکستان ءِ مزن وزیر ءَ پہلگام ءِ واکیہ ءِ بے رھبند ءُ شفافیں پٹ ءُ پول ءَ کمک ءِ پیشکش کتگ۔ سینیٹر محمد اسحاق دار ءَ گوشت کہ بھارت یک نیمگی سندھ ءِ آپانی معاہدہ ءَ را مھتل کنگ نہ کنت، سندھ ءِ آپانی معاہدے ءَ را یک نیمگی ءَ را مھتل کنگ ءِ ھچ وڑیں شق نیست، آپ پاکستان ءِ 240ملین الس ءِ واستہ زندمان ءِ لیکہ اِنت، نیشنل سلامی کونسل ءَ وتی دیوان ءَ پد یک ھاسیں پیغام داتگ کہ بھارت ءِ جنگی دمگ ءَ را سرجمیں گامگیج ءَ را بند کنگ بہ بیت۔ ہندوستانی گامگیج ءِ سبب ءَ بے مھکم بنت۔ آئی ءَ گوشت کہ بھارت ءِ نیمگ ءَ چہ ھرچ گامگیج ءَ را لائکیں پسو ءِ گوما وش آتک کنگ بیت۔ آئی ءَ گوشت کہ بھارت ءَ اے وڑیں وئیل ھما وھد ءَ بنت کہ یک ھاسیں مردمے اودا تر ءُ تاب ءَ کنت۔ آئی ءَ بھارت ءَ چہ لوٹ کت کہ آ اے گپ ءِ درشان ءَ بہ کنت کہ پرچا اے وڑیں وئیل ایوک ءَ یک ھاسیں مردمے ءِ تر ءُ تاب ءِ وھد ءَ بنت۔ بھارت ءَ ھما دمان ءَ پہلگام ءِ وئیل ءِ ذمہ واری پاکستان ءِ سر ءَ ایر کتگ ءُ گْوشتگ کہ پہلگام ءِ وئیل ءَ گوں پاکستان ءِ ھچ سیادی نیست۔ نائب مزن وزیر ءُ وزیر ءِ درئی کار ءَ اے جُست ھم چست کُت کہ بھارت پرچا اے وڑیں جاور جوڑ کنگ ءَ اِنت ۔ آئی ءَ گوشت کہ بھارت پاکستان ءَ ناشرکاری ءِ واکیہ آنی منصوبگ بند، سرپرست ءُ اسپانسر انت۔ سینیٹر محمد اسحاق ڈار ءَ گوشت کہ ما اے گپ ءَ پدر کن ایں کہ پاکستان بھارت ءِ گوما کش ءُ چیل ءِ گیش کنگ ءِ گامگیج ءَ نہ کنت۔ اگاں بھارت ءَ ھچ وڑیں گامگیج زورگ بہ بیت گڑا ما آئی ءِ رد ءَ رد ءُ بند دئیں۔ مئے لشکر ھوشیار انت ءُ ما ھوشیار ایں ۔ نائب مزن وزیر ءَ گوشت کہ اے گپ ءِ سر ءَ ھیال ءُ لیکہ کنگ المی اِنت کہ بھارت ءَ اے مہم جوئی پرچا کتگ ءُ ایشی ءِ مول ءُ مراد چے اَنت۔ پاکستان ءِ مزنیں سیکورٹی ادارگ ءَ پہلگام ءِ وئیل ایر جتگ ۔ ہندوستان ءِ اے بیانیہ کہ ما ایشی ءِ مذمت نہ کتگ سرجم ءَ رد اِنت۔ آئی ءَ گوشت کہ بھارت ءَ سلامتی کونسل ءِ بیان ءَ پہلگام ءِ نام ھوار کنگ ءِ کوشست کتگ، مارا پہلگام ءِ بدل ءَ کشمیر ءِ نام سلامتی کونسل ءِ بیان ءَ ھوار کنگ بوتگ۔ آئی ءَ گوشت کہ بھارت ءَ مسلمان ءُ کشمیری آنی ھلاپ ءَ یک شیطانی مہم ءِ جاری اِنت، ءُ بھارت خطہ ءَ ناشرکاری ءُ انتہا پسندی ءَ را گیش کنگ ءَ اِنت۔ نائب مزن وزیر ءَ گوشت کہ دگنیا ءِ سروک گوستگیں روچ آنی تہ ءَ پابندی ءِ لوٹ کنگ ءَ انت۔ من حکومت ءُ قوم ءِ نیمگ ءَ اے گپ ءَ پدر کتگ کہ پاکستان ہچ وڑیں گامگیج زورگ ءِ تہا گامگیج نہ زوریت۔ آئی ءَ گوشت کہ مزن وزیر محمد شہباز شریف ءِ نیمگ ءَ جار جتگیں رنگ ءَ بے رھبندیں پٹ ءُ پولکار آنی نیمگ ءَ آزات ءُ شفافیں پٹ ءُ پول ءِ لوٹ کنگ بیت۔ اے درگت ءَ ھرچ TOR ءِ معتبر ءُ باہمی تپاک کنگ بہ بیت۔ آئی ءَ گوشت کہ اے وھد ءَ کہ معیشت ءِ تہ ءَ استحکام بوھگ ءَ اِنت ءُ ما ناشرکاری ءِ ھلاپ ءَ مزنیں پیشرفت کنگ ءَ ایں مارا اے جست کنگ لوٹ ایت کہ اے جاور ھال بھارت ءِ نیمگ ءَ چہ اناگہ ءَ پرچا پیداک بوھگ ءَ اِنت ءُ ایشی ءِ پُشت ءَ چے مول ءُ مراد اَنت۔ نائب مزن وزیر ءَ گوشت کہ بھارت ءِ نیمگ ءَ سندھ آپ ءِ معاہدھ ءِ را بند کنگ یک نیمگی ئُُ غیر کانودی اِنت چیا کہ معاہدے ءِ تہ ءَ اے رنگیں شق نیست اَنت۔ اختلاف یا جیڑہانی وھد ءَ اے معاہدہ ءَ فورم داتگ کہ آ کارمرز کنگ بہ بنت۔ آئی ءَ گوشت کہ پاکستان یک کشت ءُ کشاری معیشت یے، اے معاہدے ءِ چیر دستی ءَ لاکھوں مردم آپ ءِ سر ءَ انحصار کن اَنت، اے معاہدے ءِ تہ ءَ ما سئے دریا یلہ داتگ ءُ دگنیا ءَ اے وڑیں آپ ءِ بھر ءُ بانگ ءِ معاہدہ نیست کہ ایشی ءِ چیر دستی ءَ دریا یلہ کنگ بوتگ انت کہ آ آپ ءِ بھر ءُ بانگ ءَ گوں دیم پہ دیم بہ بنت۔ سینیٹر محمد اسحاق ڈار ءَ گوشت کہ راجی سلامتی کمیٹی ءَ اے گپ پدر کتگ کہ سندھ آپانی معاہدے ءِ رد ءَ پاکستان ءِ آپ ءِ روانی ءَ را بند کنگ یا دیم ءَ کشگ ءِ ھرچ کوشست جنگی کارروائی زانگ بیت۔ ڈی جی آئی ایس پی آر لیفٹیننٹ جنرل احمد شریف چوہدری ءَ گشتگ کہ ما اے وئیل ءِ حقائق ءِ تہا رویں نہ کہ الزامات ءِ تہا۔ پہلگام ءِ وئیل ءِ جاہ چہ لا او سی ءَ 230 کلومیٹر دور انت۔ چوں بوت کنت کہ کسے چہ انچیں گرانیں راہ ءَ چہ دہ منٹ ءِ تہا سر بہ بیت؟ ہندوستان ءِ بیانیہ ایش انت کہ اے ناشرکاری ءِ واقعہ انت۔ گشگ بوھگ ءَ اِنت کہ مسلماناں تیرگواری کتگ، گشگ بوھگ ءَ اِنت کہ ھندواں تیرگواری کتگ۔ اے بیانیہ ہندوستان ءِ نیمگ ءَ پرچا شنگ کنگ بوھگ ءَ اِنت؟ مزن وزیر ءَ ھندی بیانیہ ءِ سر ءَ ھم جُست ءُ پُرس کتگ، مئے موقف پدر اِنت کہ ناشرکار آنی مذھب نیست۔ آئی ءَ گوشت کہ ھندوستان ءِ رسانکدر گشگ ءَ انت کہ اے واکیہ پاکستانی ایجنسی آناں آرکیسٹرا کتگ۔ اے وئیل ءَ چہ تھنا لھتیں دمان ءَ پد بھارتی الزام دیم ءَ آیگ ءَ لگ اِت اَنت۔ زپ لائن آپریٹر ءِ ویڈیو ءِ بنیاد ءَ دروگیں بیانیہ جوڑ کنگ بوتگ۔ اے وئیل ءَ چہ پد ھندی رسانکدر ءَ پاکستان ءِ سر ءَ بھتام جنگ ھما دمان ءَ بندات کُت۔ھمے ھندی اکاؤنٹ ءَ جعفر ایکسپریس ءِ وئیل ءِ بابت ءَ ھم بیان داتگ۔ اے اکاؤنٹ ءَ چہ پیسر گشگ بیت کہ لھتیں کلاکاں پد اُرشے بیت، گشگ بیت کہ اُرش کدی ءُ کجا بیت، پدا وھدے کہ اُرش بیت گڑا ھمے خاصیں ھندی اکاؤنٹ اُرش ءِ بابت ءَ گْوش اِیت، ھندی رسانکدر ھمے اکاؤنٹ ءَ زوریت ءُ مبالغہ آرائی کنت۔ اے ہما جُست اَنت کہ ما ایشانی سرا ھیال کنگ ءَ ایں ءُ دنیا ایشانی سرا ھیال کنگ ءَ اِنت۔ آئی ءَ گوشت کہ بھارتی جیل آنی تہ ءَ سداں پاکستانی ناجائزیں رنگ ءَ بندیگ اَنت، بھارت اے بندیگیں پاکستانی آناں جعلی انکاؤنٹر آنی تہ ءَ کارمرد کنگ ءَ اِنت، محمد فاروق یوری ءَ جعلی انکاؤنٹر ءَ شھید بوتگ، بھارتی لشکر ءَ آئی ءَ را نفوذ کنوک گْوشتگ، درحقیقت آ یک بے گناہیں شہری یے بوتگ، بھارت 2018 ءَ آ وت ءَ چہ آھاں کُشگ ءَ اِنت۔ یک ناشرکاریں ریاستے، پاکستانی ءُ کشمیری شہری ھندوستان ءِ جیلاں دارگ بنت، ھندوستان اے بندیگاں ٹارچر کنت ءُ بیان دیگ ءَ لاچار کنت۔ ڈی جی آئی ایس پی آر لیفٹیننٹ جنرل احمد شریف چوہدری ءَ گشتگ کہ پہلگام ءِ وئیل ءَ چہ فوراً پد ایف آئی آر ءِ رجسٹریشن ءُ مواد ءَ چہ جُست چست بوتگ انت۔ چہ وئیل ءِ جاہ ءَ تھانہ ءَ سر بوھگ ءَ کم چہ کم 30 دمان لگ اِیت۔ چوں ممکن اِنت کہ کسے 10 منٹ ءَ ایف آئی آر درج بہ کنت؟ منٹ ءِ تہا درج بوتگیں ایف آئی آر ءِ تہا “ہینڈلر” ءِ وڑیں گال کارمرز کنگ بوتگ انت۔ آئی ءَ گْوشتگ کہ اے گپ ءِ سر ءَ الزام جنگ بیتگ کہ مردمانی پجار ءُ کُشگ بوتگ۔ چونیں کمیں وھد ءِ تہا مردمانی پجار کنگ چوں ممکن اِنت؟ مزن وزیر ءَ ھندی بیانیہ ءِ سر ءَ ھم جست ءُ پرس کتگ، مقبوضہ کشمیر ءِ الس ءَ ھم ھندی الزام آناں پدر کتگ۔ ڈی جی آئی ایس پی آر ءَ گوشت کہ بھارت ناشرکاری ءِ ھلاپ ءَ پاکستان ءِ سوبمندی آناں سبوتاژ کنگ لوٹ ایت، بھارت ءِ جیل آنی تہ ءَ بندی پاکستانی آناں ناشرکار لیکگ ءُ جعلی انکاؤنٹر آنی تہ ءَ نشانگ جوڑ کنگ بوت کنت۔ آئی ءَ گوشت کہ پلوامہ ءِ وئیل سیاسی مول ءُ مراد آنی واستہ ھم کارمرد کنگ بوتگ، ھندی شہری گشگ ءَ اَنت کہ پہلگام ءِ وئیل سیکورٹی ناکامی اِنت۔ پاکستان ءَ باز رند ءَ دگنیا ءِ دیم ءَ اے گپ ءِ ثبوت پیش کتگ کہ پاکستان ءَ ھندوستان ناشرکاری ءِ تہ ءَ ھوار اِنت۔ بلوچستان ءَ ناشرکاری ءِ تہا ہندوستان ءِ دست مان کنگ ءِ ثبوت است انت ۔ ہندوستان وت یک ناشرکاریں ریاستے ۔ آئی ءَ گوشت کہ مستندیں ھال است انت کہ پہلگام ءِ وئیل ءَ پد بھارت ءَ پاکستان ءَ ناشرکاری ءِ واستہ وتی اوزار متحرک کتگ انت، ءُ پاکستان ءِ سلاہ بندیں اُرد ءُ انٹیلی جنس ادارگ سرجمیں جاور ھال آنی سر ءَ نگرانی کنگ ءَ انت۔
