اسلام آباد۔30اپریل (اے پی پی):پاک فوج ءِ جارکش لیفٹیننٹ جنرل احمد شریف چوہدری ءَ گشتگ کہ سلاہ بندیں اُرد ہر قیمت ءَ پاکستان ءِ ایمنی ءُ وت واجہی ءِ رکھینگ ءَ تیار انت ۔ ناشرکاری ءِ وئیلاں پہ سیاسی مول ءُ مراداں کارمرز کنگ ہندوستان ءِ عادت اِنت۔ ہندوستان پنجاہ سال اِنت کہ اے راہ ءَ روگ ءَ اِنت۔ پاکستان ءَ ملامت بہ کن اِت، کریڈٹ بہ زور اِت ءُ گچینکاری ءَ سوبمند بہ بئے۔ اے ایشانی مول ءُ مراد اِنت۔ پہلگام ءِ وئیل ءَ کارمرز بوتگیں سوشل میڈیا اکاؤنٹ جعفر ایکسپریس ءِ اُرش ءَ ھم کارمرز کنگ بوتگ اَنت۔ الزام جنگ ءِ بدل ءَ بھارتی سرکار ءَ جُست ءُ پُرس ءِ پسو دیگی اِنت۔ ناشرکاراں ہچ وڑیں مذہب نیست۔ آئی ءَ چار شمبے ءِ روچ ءَ نائب مزن وزیر ءُ دری کارانی وزیر سینیٹر اسحاق ڈار ءُ درئی کارانی کارگس ءِ جارکش شفقت علی خان ءِ گوما پریس کانفرنس ءَ گوں گشتانک دیگ ءَ ات۔ ڈی جی آئی ایس پی آر لیفٹیننٹ جنرل احمد شریف چوہدری ءَ گشتگ کہ ما اے وئیل ءِ حقائق ءِ تہا رویں نہ کہ الزامات ءِ تہا۔ پہلگام ءِ وئیل ءِ جاہ چہ لاک ءَ 230کلومیٹر دور اِنت۔ چوں بوت کنت کہ کسے چہ انچیں گرانیں راہ ءَ چہ دہ منٹ ءِ تہا سر بہ بیت؟ ہندوستان ءِ بیانیہ ایش انت کہ اے ناشرکاری ءِ واقعہ انت۔ گشگ بوھگ ءَ اِنت کہ مسلماناں تیرگواری کتگ، گشگ بوھگ ءَ اِنت کہ ھندواں تیرگواری کتگ۔ اے بیانیہ ہندوستان ءِ نیمگ ءَ پرچا پروپیگنڈا کنگ بوھگ ءَ اِنت؟ مزن وزیر ءَ ھندی بیانیہ ءِ سر ءَ ھم جُست ءُ پُرس کتگ، مئے موقف پدر اِنت کہ ناشرکار آنی مذھب نیست۔ آئی ءَ گوشت کہ بھارتی میڈیا گشگ ءَ اِنت کہ اے وئیل ءَ پاکستانی ادارگ آناں بندوبست کتگ، بھارتی الزام وئیل ءَ چہ لھتیں منٹ ءَ پد درآیگ بندات بوتگ اَنت، زپ لائن آپریٹر ءِ ویڈیو ءِ سر ءَ دروگیں بیانیہ جوڑ کنگ بوتگ، بھارتی میڈیا ءَ وئیل ءَ چہ پیسر فوراً پاکستان ءِ سر ءَ الزام جنگ بندات کتگ، ھمے بھارتی اکاؤنٹ the Jaffer incident ءَ ھم یک 2018 ءَ جوڑ کتگ۔ حملہ لہتیں کلاکاں پد بیت، اے گپ گشگ بیت کہ حملہ کدی ءُ کجا بیت، پدا وہدے حملہ بیت، ہمے ہندوستانی اکاؤنٹ حملہ ءِ بابت ءَ گشیت، ہندوستانی میڈیا اے اکاؤنٹ ءَ زوریت ءُ پدا مبالغہ آرائی کنت، اے ہما جُست اَنت کہ ما ایشانی سرا ھیال ءُ لیکہ کنگ ءَ ایں ءُ دنیا ایشانی سرا ھیال ءُ لیکہ کنگ ءَ اِنت۔ آئی ءَ گوشت کہ سداں پاکستانی ناجائزیں وڑے ءَ ھندوستان ءِ جیل آنی تہ ءَ بندیگ اَنت، ھندوستان اے بندیگیں پاکستانی آناں جعلی انکاؤنٹر آنی تہ ءَ کارمرد کنگ ءَ اِنت، محمد فاروق اُری ءَ جعلی انکاؤنٹر ءِ تہ ءَ شھید بوتگ،ھندوستان ءِ لشکر ءَ آئی ءَ را نفوذی لیک اِتگ، راستی ءَ آ یک بے گناہیں شہری یے بوتگ ءُ ھندوستان وت یک terrorist راجے ءِ تہ ءَ کُشگ ءَ اِنت۔ شہری ہندوستان ءِ زنداناں بند کنگ بوہگ ءَ انت، ہندوستان اے بندیگاں ٹارچر کنت ءُ بیان دیگ ءَ مجبور کنت۔ ڈی جی آئی ایس پی آر لیفٹیننٹ جنرل احمد شریف چوہدری ءَ گشتگ کہ پہلگام ءِ وئیل ءَ چہ فوراً پد ایف آئی آر ءِ رجسٹریشن ءُ مواد ءَ چہ جُست چست بوتگ انت۔ چہ وئیل ءِ جاہ ءَ تھانہ ءَ سر بوھگ ءَ کم چہ کم 30 دمان لگ اِیت۔ چوں ممکن اِنت کہ کسے 10 منٹ ءَ ایف آئی آر درج بہ کنت؟ منٹ ءِ تہا درج بوتگیں ایف آئی آر ءِ تہا “ہینڈلر” ءِ وڑیں گال کارمرز کنگ بوتگ انت۔ آئی ءَ گْوشتگ کہ اے گپ ءِ سر ءَ الزام جنگ بیتگ کہ مردمانی پجار ءُ کُشگ بوتگ۔ چونیں کمیں وھد ءِ تہا مردمانی پجار کنگ چوں ممکن اِنت؟ مزن وزیر ءَ ھندی بیانیہ ءِ سر ءَ ھم جست ءُ پرس کتگ، مقبوضہ کشمیر ءِ الس ءَ ھم ھندی الزام آناں پدر کتگ۔ ڈی جی آئی ایس پی آر ءَ گوشت کہ بھارت ناشرکاری ءِ ھلاپ ءَ پاکستان ءِ سوبمندی آناں سبوتاژ کنگ لوٹ ایت، بھارت ءِ جیل آنی تہ ءَ بندی پاکستانی آناں ناشرکار لیکگ ءُ جعلی انکاؤنٹر آنی تہ ءَ نشانگ جوڑ کنگ بوت کنت۔ آئی ءَ گوشت کہ پلوامہ ءِ وئیل سیاسی مول ءُ مراد آنی واستہ ھم کارمرد کنگ بوتگ، ھندی شہری گشگ ءَ اَنت کہ پہلگام ءِ وئیل سیکورٹی ناکامی اِنت۔ پاکستان ءَ باز رند ءَ دگنیا ءِ دیم ءَ اے گپ ءِ ثبوت پیش کتگ کہ پاکستان ءَ ھندوستان ناشرکاری ءِ تہ ءَ ھوار اِنت۔ بلوچستان ءَ ناشرکاری ءِ تہا ہندوستان ءِ دست مان کنگ ءِ ثبوت است انت ۔ ہندوستان وت یک ناشرکاریں ریاستے ۔ آئی ءَ گوشت کہ مستندیں ھال است انت کہ پہلگام ءِ وئیل ءَ پد بھارت ءَ پاکستان ءَ ناشرکاری ءِ واستہ وتی اوزار متحرک کتگ انت، ءُ پاکستان ءِ سلاہ بندیں اُرد ءُ انٹیلی جنس ادارگ سرجمیں جاور ھال آنی سر ءَ نگرانی کنگ ءَ انت۔
