اسلام آباد۔30اپریل (اے پی پی): نیشنل انڈسٹریل ریلیشنز کمیشن ءُ میاں اوستمانی لیبر آرگنائزیشن ءِ کمک ءَ یکم مئی ءَ اسلام آباد ءَ ستارہ ءِ سرا بستگیں میاں اوستمانی کانفرنس ءِ برجم دارگ بیت۔ پاکستان نیشنل کونسل آف آرٹس ءَ برجم داشتگیں اے دیوان ءِ بنگپ ’’تبدیلی ءِ گوما ھمگرنچی‘‘ اِنت۔ کانفرنس ءِ مول ءُ مراد پاکستان ءَ مزدور ءِ ھک، صنعتی ھمگرنچی ءُ میاں اوستمانی معیار ءِ رد ءَ کانود سازی ءِ دیمروئی ءِ ھوالگ ءَ گپ ءُ تران ءُ شور ءُ سلاھ ءِ دیمروئی اِنت۔ اے اولی رند اِنت کہ این آئی آر سی 1969 ءَ چہ اے وڑیں مزنیں راجی کانفرنس ءِ برجم دارگ ءَ اِنت کہ ایشی ءِ تہ ءَ وفاقی وزیر، سپریم کورٹ ءُ ہائی کورٹ ءِ شرپداریں جج، لیبر یونین آنی سروک، صنعتی ادارگ آنی واھند، قانونی ماہرین ءُ آئی ایل او ءِ مزنیں نمائندگ بھر زور اَنت۔ کانفرنس ءِ سروکی ءَ این آئی آر سی ءِ چیئرمین جسٹس (ریٹائرڈ) شوکت عزیز صدیہ بیت، وھدیکہ آ افتتاحی گشتانک ھم دنت۔ آئی ءَ پد نامداریں فقیہ بیرسٹر ظفر اللہ خان “اسلام ءِ تہا کارگر ءُ کارگس ءِ حق ءُ زمہ واری” ءِ سر ءَ وتی ھیال ءُ لیکہ درشان کنت۔ سپریم کورٹ ءِ جسٹس جمال خان مندخلا ”کارگر ءِ حقانی رکھینگ ءِ ھاتر ءَ پاکستانی انصاف ءِ کوشست“ ءِ سر ءَ کلیدی گشتانک دنت۔ کانفرنس ءِ تہ ءَ جتاجتائیں ٹیکنیکل سیشن ھم برجم دارگ بنت۔ اولی دیوان ءِ سروکی ءَ پیسریگیں سپریم کورٹ ءِ قاضی جسٹس (ریٹائرڈ) خلیل الرحمن رامدے بیت ءُ دیوان ءِ بنگپ ’’صنعتی ہم آہنگی ءُ چاگردی گپ ءُ تران‘‘ بیت۔ پینل ءِ تران ءِ تہ ءَ ایسوسی ایٹڈ پریس آف پاکستان ءِ منیجنگ ڈائریکٹر محمد عاصم کیچی، زراعت ءِ دیمروئی بینک ءِ صدر طاہر یعقوب بھٹی، ایڈیشنل سیکرٹری پاکستان ریلوے شبر عادل، یوٹیلٹی اسٹور کارپوریشن ءِ ایم ڈی فسلد نیثار چوہدری، جوت ٹی وی ءِ سی ای او سی براہی مراد اول ءِ ھوار کنگ بیت۔ صنعتی تنظیم آنی نمائندگ ، وھدیکہ ٹریڈ یونین آنی سروک پینل ءِ تران ءَ بھر زوری کن اَنت۔ سیشن ءِ سروکی ءَ سپریم کورٹ بار ایسوسی ایشن ءِ جنرل سیکرٹری سلمان منصور صدیقی کنت۔ دومی دیوان ءِ سروکی ءَ اوورسیز پاکستانی ءُ انسانی وسائل ءِ وفاقی وزیر چوہدری سالک حسنی کنت ءُ آئی ءَ ’’صنعتی سیادی ءِ ایکٹ 2012 ءِ رد ءَ شکایت آنی گیواری‘’ ءُ ’’آئی ایل او ءِ کنونشنز ءِ سر ءَ پاکستان ءِ عزم‘‘ ءِ ھاسیں سرھال آنی سر ءَ گپ ءُ تران کنگ بیت۔ ایڈووکیٹ عمران شفقت ثالثی ءِ بستار ءَ سیشن ءَ بہر زوریت، وھدیکہ لاہور ہائی کورٹ ءِ لیبر ایکسپرٹ افتخار احمد ءُ جسٹس جواد حسن ھم وتی ھیال ءُ لیکہاں درشان کن انت۔ گڈی دیوان ءَ کانود ءُ انصاف ءِ وفاقی وزیر اعظم نظیر ترار ”پاکستان ءَ استیں کانود آناں جھان ءِ رجحان آنی گوما ھمگرنچ کنگ ءِ کوشست“ ءِ سر ءَ چمشانک دنت وھدے کہ آئی ایل او پاکستان ءِ ملکی ڈائریکٹر جناب گیریتھ ٹنسٹال ”کار ءِ دگنیا ءِ آیوکیں وھد“ ءِ سر ءَ کلیدی گشتانک دنت۔ مراگش ءِ گڈسرا درستیں شرپداریں مہمان آناں اعزازی ڈھال پیش کنگ بنت ءُ ھواریں مردمانی واستہ نان ءِ ھم بندوبست کنگ بیت۔ کانفرنس ءَ را کارکن آنی ھک ءُ صنعتی ھمگرنچی ءِ دیمروئی ءِ نیمگ ءَ سنگ میل ءِ رنگ ءَ پیش کنان ءَ چیئرمین این آئی آر سی ءَ گوشت کہ ’’ما 2025‘‘ ایوک ءَ یک نعرہ یے نہ اِنت بلکیں یک ھیالے، ایشی ءِ تہ ءَ گپ ءُ تران، احترام ءُ شریکداری ءِ سر ءَ بنیات ءِ سر ءَ جوانیں آیوکیں وھد ءِ بنیات ایر کنگ بیت۔
