اسلام آباد۔ 30 اپریل (اے پی پی) نائب وزیراعظم و وزیرخارجہ سینیٹر محمد اسحاق ڈار پارینے کہ پاکستان اٹ پیشن نا زرکاری نا بے پناہ گمان ساڑی ءِ وخت ا س کہ ملک اٹی پائیدار و منافع بخش شونداری کن چاگڑد سازگار ءِ۔ داخیال آتا درشانی ءِ او چارشنبے نادے آ داڑے ’’ڈیجیٹل فارن ڈائریکٹ انوسٹمنٹ فورم 2025‘‘آن تران کرساکرے۔ اوپارے کہ دا فورم پاکستان نا نیشنل ڈیجیٹل ویژن تون مطابقت تخک۔ نائب وزیراعظم و وزیرخارجہ سینیٹر محمد اسحاق ڈار پارے کہ ڈی ایف ڈی آئی پاکستان نا آئی ٹی نا بشخ انا بابت اہم مزل نا نشان ءِ۔ اوشونداری کن ڈیجیٹل انفراسٹرکچر نا گرج آتیا زور شاغسا پارے کہ جہانی منڈی اسکان رسینگ کن ڈیجاٹزیشن بے کچ المی ءِ۔ نائب وزیراعظم پارے کہ مصنوعی ذہانت و آئی ٹی پاکستان نا زرگزران ءِ پوسکن ءُ دروشم اس تننگ ءِ۔ اوپارے کہ اینو دنیا ٹی ڈیجیٹل زرگزران مون آ ہِننگ ءِ، پاکستان اٹ جہانی آب انا ڈیجیٹل چاہندار آک ساڑی ءُ۔ سینیٹر محمد اسحاق ڈار پارے کہ ننتون ورناڈیجیٹل فورس ساڑی ءِ ، ڈیجیٹل نیشن پاکستان ایکٹ ڈیجیٹلیشن نا بابت نمان کانود سازی ءِ۔ اوپارے کہ پاکستان ڈیجیٹل کوآپریشن آرگنائزیشن (ڈی سی او) نا بانی باسک آتیٹی اوار ءُ، پاکستان ڈی سی او نا صدارت ءِ سنبھالنگ نا تیاری کننگ ءِ۔ محمد اسحاق ڈار ڈیجیٹل فارن ڈائریکٹ انویسٹمنٹ فورم نا بشخ ہلوک آتا خیرمقدم ءِ کرسا پارے کہ اِرادے ئی فورم ملکی و درملکی مندوبین آتیکن فائدہ مند مریک۔
