اسلام آباد۔ 30 اپریل (اے پی پی) وزیراعظم نا خصوصی کمکار ہارون اخترخان پارینے کہ میٹل ریسائیکلنگ آن کچٹی نا مون ءِ توننگ اٹ کمک رسینگک، روبوٹکس ٹیکنالوجی نا نفاذ المی ءِ، پوسکن زبح خانہ، سُوپراسیسنگ و کولڈ چین نا جوڑ کننگ قومی زرگزران کن المی ءِ۔ داخیال آتا درشانی ءِ او چارشنبے نادے آ تینا کماشی ٹی ٹیکنالوجیکل اپ گریڈیشن اینڈ سکل ڈویلپمنٹ کمپنی تون اہم دیوان اٹی کرے۔ دیوان اٹی ٹسدیک ءِ تروک آ 6 ٹکی ایجنڈاغا پیش رفت نا جاچ ءِ ہلنگا و ٹسدیک گوجرانوالہ ٹی ای ویسٹ میٹل ریسائیکلنگ ڈٹ انا حکمت عملی پیش کننگا۔ ہارون اختر خان پارے کہ میٹل ریسائیکلنگ آن کچٹی نا مون ءِ توننگ اٹ کمک رسینگک، ٹسدیک فیرس و نان فیرس میٹل نا جتائی ٹی خذمت فراوان کیک۔ دیوان اٹی دِیر انا آب ءِ بورنگ آن بیدس ٹیسٹ انا سلاہ پیش کننگا، کشاری، ٹیکسٹائل و آٹو موٹیوپارٹس کن سمارٹ مینو فیکچرنگ آ گپ وتران کننگا۔ اوپارے کہ وزیراعظم نا وژن نا رداٹ روبوٹکس ٹیکنالوجی و اے آئی نا نفاذ المی ءِ و بلوچستان و گلگت بلتستان اٹی اسکل انسٹیٹیوٹ جوڑ کننگ نا سلاہ تننگا مچھی پراسیسنگ پیکجنگ و سٹوریج پلانٹ بلوچستان و گلگت بلتستان اٹی خلنگ نا سلاہ تس۔ ہارون اختر خان پارے کہ پوسکن زبح خانہ سُو پراسیسنگ و کولڈ چین نا جوڑ کننگ قومی زرگزران کن المی ءِ، سُو انا برآمد آتیکن پراسیسنگ و کولڈ چین پلانٹ اہم گام اس جوڑمریک۔ اوپارے کہ وزیراعظم نا ویژن نا رداٹ دا گام گیج آتیان ہندی صنعت و الس ءِ فائدہ مریک۔ دیوا ن اٹی زالبول آتے واکدار کننگ کن گام گیج آتا سلاہ تننگا۔ ہارون اخترخان پارے کہ ٹسدیک نا کارکڑد آ بروک آدیوان اٹی پورو نتیجہ درکارمریک۔ کنے بروک آدیوان اٹی نتیجہ درکارءِ۔
