اسلام آباد- 30 اپریل (اے پی پی): بنجاھی وزیر ءِ ھال ءُ اھوالکاری عطا اللہ تارڈ ءَ گوشت کہ پاکستان ءِ گور ءَ جوانیں انٹیلی جنس ھست کہ بھارت ءِ ارادہ اِنت کہ آ دیم ءِ 24 ءَ چہ 36 کلاک آنی تہ ءَ پاکستان ءِ ھلاپ ءَ پہلگام ءِ وئیل ءَ گوں بے بن ءُ وت جوڑ کتگیں الزام آنی بنیاد ءَ فوجی کارروائی بہ کنت۔ سئے شمبے ءِ روچ ءَ ھاسیں دیوان ءَ تران کنان ءَ وفاقی وزیر ءِ اھوالکاری ءَ گوشت کہ پاکستان دمگ ءَ بھارت ءِ پڑا وت مدعی، قاضی ءُ جلاد ءِ کرد ءَ را گوں ترندی ءَ رد کنت۔ آئی ءَ اے گپ پدر کت کہ پاکستان وت بیست سالاں چہ ناشرکاری ءِ آماچ بوتگ ءُ دگنیا ءِ تہ ءَ ھرچ رنگ ءِ ناشرکاری ءَ را سک مذمت کتگ۔ عطا اللہ تارڈ ءَ گوشت کہ پہلگام ءِ اُرش ءَ پد پاکستان ءَ یک ذمہ واریں ریاست ءِ بستار ءَ پدریں رنگ ءَ آزات ءُ بے رھبندیں پٹ ءُ پول ءِ پیشکش کتگ تانکہ راستی ءُ آئی ءِ مول ءُ مراد آنی پجارینگ بہ بیت۔ البت بدبھتی ءَ ھندوستان ءَ بے عقلی ءُ دیم پہ دیم جنگ ءِ راہ ءِ گچین کتگ کہ ایشی ءِ سبب ءَ دمگ ءُ دگنیا ءَ تباہ کنوکیں آسر دیم ءَ کاینت۔ آئی ءَ گوشت کہ یک غیر جانبداریں پٹ ءُ پول ءَ چہ درکپگ وت بھارت ءِ راستیں ارادہ آناں پدر کنگ ءِ واستہ مزنیں شاہدی اِت۔ سیاسی مول ءُ مراد ءِ سرجم کنگ ءِ ھاترا زانت ءُ زانگ ءَ راجمانی جذبات ءَ شعلہ ور کنگ ءَ اے وڑیں پیسلہ کنگ بدقسمتی ءُ افسوسناکیں گپے ۔ بنجاھی وزیر ءَ اے گپ ءِ پدر کت کہ پاکستان ءَ اے گپ ءِ پدریں رنگ ءَ اے گپ ءِ پدر کنگ ءَ انت کہ بھارت ءِ نیمگ ءَ چہ ھرچ وڑیں فوجی گامگیج ءَ را مھکم ءُ فیصلہ کنوکیں پسو ءِ گوما دیم پہ دیم کنگ بیت۔ آئی ءَ گوشت کہ میاں اوستمانی براتی ءَ را اے گپ ءِ سر ءَ سرپد بوھگ ءِ ضلورت اِنت کہ جنگ ءِ تباہ کنوکیں آسر آنی ذمہ واری ایوک ءَ بھارت ءِ سر ءَ بیت۔ عطا اللہ تارڑ ءَ گوشت کہ پاکستانی راج ہر قیمت ءَ وتی وت واجہی ءُ سرزمین ءِ یکوئی ءِ رکھینگ ءَ کنت
