اسلام آباد۔29اپریل (اے پی پی):مزن وزیر محمد شہباز شریف ءَ گوشت کہ پاکستان دگنیا ءِ تہ ءَ ڈیری پروڈکٹ پیدا کنوکیں سرجمیں ملک آنی تہ ءَ ھوار اِنت ءُ ڈیری پروڈکٹ آنی ویلیو ایڈیشن ءِ تہ ءَ سرمایہ کاری ءَ را وش اتک کناں۔ مزن وزیر ءِ میڈیا کارگس ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی گلوبل چیف ایگزیکٹو آفیسر رائل فریسلینڈ کیمپینہ ءُ اینگرو پاکستان جون ڈیرک وان کارنیبیک ءِ سروکی ءَ ڈل ءَ گوں گپ ءُ تران کنان ءَ کت آئی ءَ سئے شمبے ءِ روچ ءَ مزن وزیر ءَ گوں گند ءُ نند کت۔ گند ءُ نند ءَ مزن وزیر ءَ گوشت کہ پاکستان دگنیا ءِ سرجمیں ڈیری پروڈیوسر ملک آنی تہ ءَ یک انت ءُ ڈیری پروڈکٹس ءِ ویلیو ایڈیشن ءِ تہ ءَ سرمایہ کاری ءَ را وش اتک کنت۔ پاکستان ڈیری ءِ شوبگ ءَ را دیمروئی دیگ ءِ واستہ فریز لینڈ کیمپینا ءِ وڑیں کمپنی آنی گوما کمک کنت ءُ ڈیری ءِ چیز آنی برآمدات ءَ را گیش کنگ ءِ واستہ ڈیری ءِ چیز آنی سیفٹی ءُ غذائیت ءِ ارزشت ءَ را گیش کنگ ءِ واستہ گامگیج آناں دلبڈی دنت۔ مزن وزیر ءَ گوشت کہ ڈیری انڈسٹری ءِ برجمیں دیمروئی ءُ کشاری ءِ زندمان ءِ گہتری مئے اولی ترجی آنی تہ ءَ انت۔ فرائزلینڈ کمپینا اینگرو پاکستان پاکستان پاکستان ءِ ڈیری ءِ ضوابط ءَ را میاں اوستمانی جوانیں رھبندانی گوما ھمگرنچ کنگ ءِ واستہ تکنیکی کمک ءِ بھر ءُ بانگ کت کنت۔ آئی ءَ پنجاب ءُ سندھ ءَ پائلٹ ڈیری سپلائی چین ٹریس ایبلٹی سسٹم ءِ دیمروئی ءِ تہ ءَ فریز لینڈ کیمپینا ءِ کمک ءِ توسیپ کت تانکہ ڈیری پروڈکٹس ءِ سیفٹی ءُ صارف آنی اعتماد ءَ را گہتر کنگ بہ بیت۔ فریز لینڈ کمپنی ءِ ڈل ءَ پاکستان ءِ لائیوسٹاک ءُ ڈیری ءِ شوبگ ءَ سرمایہ کاری ءَ را گیش کنگ ءِ واستا واھشت ءِ درشان کت۔ گند ءُ نند ءَ راجی وردن ءِ سلامتی ءِ وفاقی وزیر رانا تنویر حسین، وفاقی وزیر خزانہ ءُ آمدنی محمد اورنگزیب، مزن وزیر ءِ ھاسیں کمکار ہارون اختر ءُ ہمگرنچیں مزنیں سرکاری حکام ءَ ہم شریک بوتگ۔
