اسلام آباد۔ 29 اپریل (اے پی پی) وزیراعظم محمد شہباز شریف کینیڈا نا لبرل پارٹی ءِ گچین کاری تیٹی سرسہبی و مارک کارنی ءِ کینیڈا نا وزیراعظم گچین مننگ آ مبارکبادی تسنے۔ سے شنبے نادے آ راجی رابطہ نا ویب سائٹ’’ایکس‘‘ آ تینا تہنیتی کلہو اٹی وزیراعظم پارے کہ پاکستان و کینیڈا نا نیام اٹ ایلمی و خوشگوار تعلقداری ءِ۔ ننے کینیڈا ٹی رہینگوک تینامتحرک پاکستانی کمیونٹی آ گمر ءِ۔ اوپاکستان و کینڈا نا نیام اٹ تعلقداری تے پین سوگو کننگ کن پوسکن گچین مروک آ وزیراعظم کارنی تون اواری اٹ کاریم کننگ نااست خواہی نا درشانی ءِ کرساپارے کہ نن تین پہ تینی شریداری نا کمک اٹ تینا قوم اکن گچین وارخواہی ودی کننگ نا خواہندار اُن۔
