لاہور۔ 29 اپریل (اے پی پی) بنجائی وزیر داخلہ محسن نقوی سے شنبے نادے آ داڑے جمعیت علمائے اسلام (ف) نا سروک مولانا فضل الرحمان تون اہم اوڑدہی کرے ہراٹی تین پہ تینی است خواہی نا امور، ڈیہہ اٹی پاک بھارت بے چیٹی و فلسطین نا ویل آتیا سرجمی اٹ گپ وتران کننگا۔ ترجمان محکمہ داخلہ نا رداٹ اوڑدہی ٹی بنجائی وزیر داخلہ مولانا فضل الرحمان ءِ بھارت نا غیر منطقی و اسہ کنڈی گام گیج آتیا پاکستان نا اصولی موقف و نیشنل سیکورٹی کمیٹی نا ساڑی آ فیصلہ غاتیان معلومدار کرے۔ محسن نقوی پارے کہ بھارت خاخر تون گوازی کننگ نا کوشست کننگ ءِ و پاکستان ہروڑنا مہم جوئی نا پورو واک اٹ ورندی ءِ ایتک۔ مولانا فضل الرحمان گپ وتران کرسا پارے کہ بھارتی وزیراعظم نریندر مودی مسلمان دشمن ءِ و ہراڑے اسلام و مسلمان تا برخلاف پڑاس مریک، مودی ہموڑے سلوک خننگک۔ بنجائی وزیر داخلہ مولانا فضل الرحمان نا طب انا اَرفے و اونا دراخ جوڑی کن نیک است خواہی نا درشانی ءِ ہم کرے۔
