صنعتی بشخ انا بحالی و برآمد آتے ودفنگ وزیراعظم نا وژن ءِ، وزیراعظم نا خصوصی کمکار صنعت وپیدوار نا دیوان آن تران

اسلام آباد۔  29اپریل (اے پی پی) وزیراعظم نا خصوصی کمکار صنعت و پیدوار ہارون اخترخان پارینے کہ صنعتی بشخ انا بحالی و ایکسپورٹ ءِ ودفنگ وزیراعظم نا وژن ءِ ، برآمد کنندگان آک ملکی زرگزران نا شہ رگ ءُ۔ داخیال آتا درشانی ءِ او سے شنبے نادے آ تینا کماشی ٹی وزیراعظم نا مینوفیکچرنگ سیکٹرنا برآمد آتے ودفوک آ کمیٹی نا دیوان اٹی کرے۔ دیوان اٹی مینو فیکچرنگ سیکٹر نا برآمد آتا ویل آتیا سجفنگا۔ برآمد آتیٹی کمتی نا سوب، کبین بجلی، زیات خراج، ویلیو ایڈیشن نا کمتی آ شرہ کننگا۔ ہارون اختر خان پارے کہ وزیراعظم نا وژن نا رداٹ برآمد آک پاکستان نا زرگزران نا شہ رگ ءُ۔ اوپارے کہ برآمد کروک آتا کچ ءِ ودفنگ کن ہم عملی گام گیج کروئی مریک۔ صنعتی بشخ انا بحالی وزیراعظم نا وژن ءِ۔ دیوان اٹی کمیٹی نا باسک آک پاریر کہ ٹیکنالوجی اپ گریڈیشن و جہانی آب آتا پاسداری المی ءِ۔ ہارون اختر خان ویل آتا ایسری کن ذیلی کمیٹی جوڑ کرسا زمواری ہم تسنے۔