اسلام آباد۔29اپریل (اے پی پی): مزن وزیر محمد شہباز شریف ءَ گوشت کہ آئی ٹی ءِ شوبگ ءَ درملکی سرمایہ کار آناں ھمک رنگ ءِ آسراتی پجاری کنگ بہ بیت۔ اے شعبہ ءِ تہا 70 کروڑ ڈالر ءِ سرمایہ کاری ءَ چہ ورنا آنی ازمکاری ءَ را پدر کنگ ءَ کمک رسیت۔ وت جوڑشتی ھیل کاری ءُ آئی ٹی ءِ پڑ ءَ ورنا آنی وانگ ءُ زانگ ءُ تربیت ءِ واستہ مزنیں منصوبگ جوڑ کنگ بوھگ ءَ اِنت۔ آئی ٹی ءُ اے آئی ءَ را زراعت، صنعت، برآمدات ءُ ایندگر شوبگ آنی تہ ءَ کارمرد کنگ بوھگ ءَ اِنت۔ سئے شمبے ءِ روچ ءَ ادا برجم داشتگیں ڈیٹال ءِ درملکی براہ راست سرمایہ کاری کانفرنس ءَ گوں گشتانک دیان ءَ مزن وزیر ءَ سرجمیں ملک ءَ چہ ڈیٹال ڈل ءَ را وش اتک کنان ءَ گوشت کہ 11 ءَ چہ گیش دوستیں ملک آنی آئی ٹی ءِ وزیر، نائب وزیر ءُ آئی ٹی ءِ کارندہ آناں پاکستان ءَ آیگ ءِ سر ءَ وش آتک کناں۔ مزن وزیر ءَ گوشت کہ ڈیٹا ڈے ءِ مرچی توامیں شوبگ آنی سر ءَ معمولی اثر انت۔ مرچیگیں ڈیٹا مائننگ ءَ دو دہائی پیسر ءِ مقابلہ ءَ مزنیں بدلی یے اتکگ۔ منی پنجاب ءِ سر وزیر ءِ بستار ءَ ما میرٹ ءِ رد ءَ ورنا آناں 4 لکھ کلدار بھر ءُ بانگ کتگ۔ ورلڈ بینک ءِ پروگرام ءِ چیر دستی ءَ معیشت ھاسیں رنگ ءَ کشت ءُ کشاری ءَ را ڈیٹا پجاری کنگ بوھگ ءَ انت۔ مزن وزیر ءَ گوشت کہ پاکستان ءِ آبادی ءِ تہ ءَ 60درسد ورنا ھوار اَنت کہ آ ملک ءَ استیں مزنیں موہ آناں سیت چست کت کن اَنت۔ پاکستانی ورنا سک باازمکاری انت ءُ آ ھمک روچ پاکستان ءِ ھاترا جوانیں ھزمت کنگ ءَ انت۔ مزن وزیر ءَ گوشت کہ مارچ ءَ پاکستان ءَ 4.1 ارب ڈالر ءِ زرّ دیم دیئگ بوتگ، اے پاکستان ءِ راجدپتر ءِ تہ ءَ ریکارڈ اِنت۔ آئی ءَ گوشت کہ کانفرنس ءِ بھر زوروک آنی کمک ءُ رہشونی ءَ چہ ما ملک ءِ آئی ٹی شوبگ ءَ نامداریں جاگہ ءِ سر ءَ سر کنگ ءِ سوب مند بئیں۔ ما پیسر ءَ چہ اے شوبگ ءِ تہ ءَ وفاقی ءُ صوبائی تک ءَ جتا جتائیں منصوبگ آنی سر ءَ عمل کنگ ءَ ایں ، ایشی ءِ تہ ءَ آئی ٹی پارک ، انکیوبیشن سینٹر ، ریسرچ ءُ ڈویلپمنٹ سینٹر ، ءُ تربت ءِ سر ءَ مبنی منصوبگ ھوار اَنت۔ ما داناف ءِ جوانیں کمپنی ءِ کمک ءَ پاکستان ءِ اولی سیف سٹی لاہور ءِ منصوبگ ءَ را دیم ءَ برگ ءَ ایں ۔ چن ءِ کمپنی ہواوے ءِ ھمکاری ءَ سالے دو لکھ نودربراں مہارت ءِ تربیت دیگ ءَ اِنت۔ آئی ءَ شمالی امریکہ ءُ دگہ جاھاں چہ درستیں سرمایہ کار ءُ کمپنی آناں دعوت دات کہ آ مئے گوما کار بہ کن اَنت تانکہ زراعت ءَ را نوکیں ٹیکنالوجی ءَ گوں لیس بہ کن اَنت، برآمدات ءَ را گیش بہ کن اَنت، صنعت ءَ را دیمروئی بہ دنت، ءُ پاکستان ءَ بامردیں روزگار ءَ را دیمروئی بہ دنت۔ مزن وزیر ءَ گوشت کہ مرچی ءِ کانفرنس ءَ داتگیں جار دلبڈی انت۔ اے موہ ءِ سر ءَ مزن وزیر ءَ پاکستانی آناں شگر ءُ منت دات کہ آہاں وتی روسی شریک آنی گوما پاکستان ءَ 50 کروڑ ڈالر ءِ سرمایہ کاری ءِ جار جتگ۔ ھمے رنگ ءَ پاکستانی ڈاکٹر ءُ ایندگہ مردمانی کلیں 70 کروڑ ڈالر ءِ جار ھم وش اتک کنگ بوت۔ آئی ءَ دیمروئی کمکی گل ءِ سیکرٹری جنرل دیما عالیہ ءُ ایندگر مہمان آنی ھاسیں منت گپت ءُ درستیں بھر زوروک آناں پاکستان ءَ سرمایہ کاری ءِ دعوت دات ءُ گوشت کہ آ اے واب ءَ را راستی ءِ تہ ءَ بدل کنگ ءِ واستہ ذاتی رنگ ءَ رہشونی ءُ کوشست کنت۔ مزن وزیر ءَ گوشت کہ مھکمیں جزم ءُ بے مٹیں کوشست ءَ پاکستان آئی ٹی ءِ شوبگ ءَ سروک آنی تہ ءَ اوشتات کنت۔
