وفاقی داخلہ ءِ وزیر محسن نقوی ءَ منصورہ ءَ سر بوتگ ، جماعت اسلامی ءِ سروک حافظ نومی الرحمان ءَ گوں گند ءُ نند

لاہور۔29اپریل  (اے پی پی): وفاقی تہی کارانی وزیر محسن نقوی ءَ منصورہ ءِ تر ءُ تاب کتگ اودا آئی ءَ جماعت اسلامی ءِ سروک حافظ نعوم الرحمان ءَ گوں گند ءُ نند کتگ۔ اے ھاسیں گند ءُ نند ءِ تہ ءَ پاکستان ءُ ھندوستان ءِ استیں کش ءُ چیل ، سیمسر ءِ جاور ءُ راجی ایمنی ءِ ھوالگ ءَ جیڈھانی سر ءَ گپ ءُ تران کنگ بیت ۔ محکمہ توکی کار ءِ جارکش ءِ رد ءَ وزیر توکی کار ءَ حافظ نومال الرحمن ءَ را راجی سلامتی کونسل ءِ انوگیں کار آنی بابت ءَ سرپد کتگ ءُ پاکستان ءِ اصولی موقف ءِ بابت ءَ سرپد کتگ۔ آئی ءَ گوشت کہ بھارت ءِ نیمگ ءَ چست کتگیں کپٹ ءِ گامگیج آنی درگت ءَ پاکستان ھمک پڑ ءَ پرامن بلے جوانیں پسو دیگ ءِ واستہ تیار اِنت۔ جماعت اسلامی ءَ راجی موقف ءِ مھکمیں حمایت کت ءُ گوشت کہ ہندوستان ءِ جیڈھ ءِ سر ءَ سرجمیں راج یکوئی ءِ درشان کنگ ءَ انت۔ ہندوستان ءِ حکومت کہ ایشی ءَ لاکھوں بے گناہیں کشمیری شہید کتگ انت آ وتی ہوش ءَ بیا ایت۔ دوئیں راہشوناں فلسطین ءِ استیں جاورحال ءِ سرا ہم گپ ءُ تران کتگ۔ اے موہ ءِ سر ءَ محسن نقوی ءَ گوشت کہ بھارت زانت ءُ زانت ءَ سازش ءِ وسیلگ ءَ دمگ ءِ امن ءَ را سبوتاژ کنگ لوٹ ایت، البت ھاکمیں گل ءُ پاکستان ءِ راج ھرچ بھارتی زوراکی ءِ ھلاپ ءَ سرجم ءَ یکجا انت۔ آئی ءَ گیش گوشت کہ پاکستان ءِ بہادریں سلاہ بندیں اُرد وطن ءِ رکھینگ ءِ سرجمیں توان ءَ دار اَنت۔ اے موہ ءِ سر ءَ جماعت اسلامی ءِ سینئر راہشون لقط بلوچ ھم ساڑی ات۔