لاہور۔29اپریل (اے پی پی): وفاقی داخلہ ءِ وزیر محسن نقوی ءَ گوں جمیعت علماء اسلام ءِ سروک مولانا فضل الرحمن ءَ ھاسیں گند ءُ نند کت، ایشی ءِ تہ ءَ وت مہ وتی مفاد ءِ جیڈھ، دمگ ءَ پاک بھارت ءُ بھارت ءِ جیڈھ ءُ فلسطین ءِ جیڈھ ءِ سر ءَ سرجمیں رنگ ءَ گپ ءُ تران کنگ بوت۔ محکمہ داخلہ ءِ جارکش ءِ رد ءَ گند ءُ نند ءِ ساھت ءَ وفاقی وزیر داخلہ ءَ مولانا فضل الرحمن ءَ بھارت ءِ غیر منطقی ءُ یک نیمگی گامگیج آنی سر ءَ پاکستان ءِ اصولی موقف ءُ راجی سلامتی کمیٹی ءِ نوکیں پیسلہ آنی بابت ءَ سرپد کتگ۔ محسن نقوی ءَ گوشت کہ بھارت آس ءَ گوں لیب کنگ ءِ کوشست ءَ انت پاکستان ھرچ وڑیں مہم جوئی ءِ سرجمیں زور ءَ گوں پسو ءَ دنت۔ مولانا فضل الرحمن ءَ گپ ءُ تران کنان ءَ گوشت کہ ھندوستان ءِ مزن وزیر نریندر مودی مسلمان آنی دژمن انت ءُ ھر جاگہ ءَ کہ اسلام ءُ مسلمان آنی ھلاپ ءَ محاذ بیت مودی ھما جاہ ءَ اوشتاتگ گندگ بیت۔ وفاقی وزیر داخلہ ءَ مولانا فضل الرحمن ءِ جان سلامتی ءِ بابت ءَ جست ءُ پرس کت ءُ آئی ءِ جان سلامتی ءِ واستہ نیکیں واھگ آنی درشان ھم کت۔
