کاسا بلانکا۔28اپریل (اے پی پی):سینیٹ ءِ چیئرمین سید یوسف رضا گیلانی گوں پارلیمانی ڈل ءَ مراکش ءَ سر بوتگ۔ آ زرباری پارلیمانی فورم ءِ سیمی ایڈیشن ءَ گوں تران کنت۔ دو شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ سینیٹ ءِ چیئرمین سید یوسف رضا گیلانی ءُ آئی ءِ سروکی ءَ پارلیمانی ڈل ءَ را مراکش ءِ پارلیمنٹ ءِ نائب صدر ءُ کوئسٹر ءَ کاسابلانکا بالی پٹ ءَ جوانیں رنگ ءَ وش آتک کتگ۔ مراکش ءِ پارلیمنٹ ءِ چارج ڈی افیئرز رابعہ کسوری ءَ ھم چیئرمین سینیٹ ءَ گوں گند ءُ نند کتگ۔ سید یوسف رضا گیلانی زربارزرباری پارلیمانی فورم ءِ دیوان ءَ 31 ملک آنی سروک آں گوں تران کنت، ایشی ءِ تہ ءَ آ جہانی ءُ دمگی جیڈھ آنی بابت ءَ پاکستان ءِ لیکہ ءَ پیش کنت۔ یات بہ بیت کہ زربار ءُ زربار ءِ پارلیمانی فورم ءِ ھاتر ءَ قانون سازانی ھاتر ءَ بامردیں گپ ءُ تران ءِ پلیٹ فارم اِنت۔
