سوات/خوازہ خیلہ۔28اپریل (اے پی پی):کشمیر ءِ کار ءُ گلگت بلتستان ءِ بنجاھی وزیر ءُ سافرون ءِ انجینئر امیر مقام ءَ تحصیل بار ایسوسی ایشن خوازہ کھیلہ سوات ءِ نوک گچین بوتگیں کابینہ ءَ سوگند چست کت۔ ادا جاڑی بوتگیں بیان ءِ رد ءَ اے موہ ءَ یک شرپ مندیں مراگش ءِ برجم دارگ بوت ایشی ءِ تہ ءَ بنجاھی وزیر امیر مقام ءَ ھاسیں مہمان ءِ بستار ءَ بھر زوری کت۔ سوگند چستی مراگش ءَ کانودی کمیونٹی ءُ پُرمڈائیں مہمان آں ھم بہر زرتگ ات۔ انجینئر امیر مقام ءَ نوکیں گچین بوتگیں کابینہ ءَ را دل ءِ جہلانکی ءَ چہ مبارکی دات ءُ آہانی واستہ نیکیں واھگ آنی درشان کت۔ مراگش ءَ گوں گشتانک دیان ءَ انجینئر امیر مقام ءَ گوشت کہ وکیل آنی کرد مدام ھما بہ بیت کہ امیت آناں پیلو بہ کنت، ذاتی مفاد آنی بدل ءَ ادارگی ءُ راجی مفاد آناں اولی رند ءَ دیگ بہ بیت، وکالت مقدسیں پیشہ اِنت ءُ مشکلیں وھد ءَ وکیل دیم ءِ لیکہ ءِ کرد ءَ پیلو بہ کنت۔ جمہوریت ءِ استحکام ءُ مہلوک ءِ حق ءُ راستی ءِ ہاترا وتی توار ءِ چست کنگ وکیلانی اولی فرض انت۔ مراگش ءِ تہ ءَ پاکستان مسلم لیگ ءِ سروک محمد نواز شریف ، مزن وزیر شہباز شریف ءُ کانود ءِ وزیر اعظم نظیر ترار ءِ ھاسیں نام گرگ بوتگ کہ آھاں چوں مدام ادارگ آنی بالادستی ءُ ملک ءِ جیڈھ آنی گیواری ءِ تہ ءَ کرد پیلو کتگ ، سیاست ءَ چہ در بوتگ ۔ بنجاھی وزیر ءَ آیوکیں وھد ءَ ھم ھمے جذبہ ءَ گوں راج ءُ ملک ءِ ھزمت کنگ ءِ وتی جزم ءِ پدرائی کت۔ امیر مقام ءَ گوشت کہ اے ملک ہرکس ءِ انت ایشی ءِ رکھینگ مئے درست آنی مشترکہ ذمہ واری انت۔ ما وتی زمہ واریاں جوانیں رنگے ءَ پیلو بہ کن ایں ۔ بھارت ءِ بے سریں پالیسی ءُ جارحانہ بیانیہ ءِ سرا تنقید کنان ءَ آئی ءَ گشتگ کہ اے وڑیں بے سریں بیاناں چہ ہچ رسگ نہ بیت۔ آئی ءَ کشمیر ءِ اُلس ءِ قربانی آناں سلام دات ایشانی حوصلہ مرچی ھم برز انت ءُ ایشانی دل پاکستان ءِ گوما دھڑکگ ءَ انت۔ امیر مقام ءَ یات دات کہ یک سد ہزار شہید، بیواہ ءُ تباہ بوتگیں لوگانی قربانی کشمیری آں آزاتی ءِ جہد ءِ گواہ انت۔ امیر مقام ءَ جعفر ایکسپریس ءِ وئیل ءُ پاکستان ءِ سر ءَ جتگیں الزام آنی سر ءَ بھارت ءِ مجرمانہ بے تواری ءَ را چہ سرپدی ءَ در لیک اِتگ۔ آئی ءَ آپ ءِ معاہدہ ءِ ھلاس کنگ ءِ بھارت ءِ دھمکی آناں بے سریں ءُ میاں اوستمانی معاہدہ آنی ھاسیں ھلاپ ورزی لیک اِتگ ءُ گوشت کہ اے وڑیں پندل پاکستان ءِ کشمیری آں گوں مھر ھلاس کنگ نہ بنت بلکیں اے سیادی گیش مھکم بیت۔ بنجاھی وزیر انجینئر امیر مقام ءَ گوشت کہ پاکستان ءِ سلاہ بندیں اُرد ءُ راج ھمک ھندی پندل ءِ ناکام کنگ ءِ واستہ یکجائی ءَ انت۔ مرچی پاکستان ایٹمی طاقت اِنت ءُ اے کارنامہ نواز شریف ءِ سروکی ءَ بوتگ کہ آئی ءَ 1998 ءَ دژمن ءَ را لائکیں پسو داتگ۔نواز شریف انگت زندگ اِنت آئی ءِ پارٹی سرکار ءِ تہا اِنت ءُ ہندوستان ءَ یات بہ بیت کہ اگاں زوراکی بوت گڑا آئی ءِ پسو دو رند ءَ دیگ بیت۔ آئی ءَ ھندوستان ءَ را کلوہ دات کہ اگاں آ جنگ ءِ شوقین اَنت گڑا سوبمندی پہ پاکستان ءَ بیت ءُ اگاں آ چاہ ورگ ءِ شوقین اَنت گڑا ما ” ورگ ” ءِ شوقین ایں ۔ امیر مقام ءَ گوشت کہ آئی ءَ وتی جند ءِ پرواہ کنگ ءَ ابید مشکلیں جاور آنی تہ ءَ راج ءُ سروکی ءِ کمک کتگ ءُ آیوکیں وھد ءَ ھم کجام ھم مشکلیں وھد ءَ الس ءَ را ایوک ءَ نہ یلہ کنت، ءُ ھمک جاور آنی تہ ءَ الس ءِ گوما اوشتات کنت۔ امیر مقام ءَ گوشت کہ عمران خان ءِ نیمگ ءَ چہ درملک ءَ دریں پاکستانی آناں زرّ ءِ دیم مہ دیگ ءِ اپیل ءَ ابید ھم زرّ دیم دیگ ءِ تہ ءَ گیشی بوتگ، اے استیں حکومت ءِ سر ءَ الس ءِ بھروسہ ءِ درشان انت۔ شہباز شریف ءِ سروکی ءَ حکومت ءَ مہنگائی ءَ را مزنیں کساسے ءَ کم کتگ ءُ مدام الس ءِ مفاد ءَ را اولی ترجی داتگ۔ آئی ءَ بار ایسوسی ایشن ءِ واستہ یک ملین کلدار ءِ جار جتگ ءُ اے ھم وعدہ کتگ کہ آ سولر سسٹم ءِ پھجارینگ ءِ کوشست ءَ کنت تانکہ وکیل آناں جوانیں آسراتی رس ایت۔ تحصیل بار ایسوسی ایشن خوازہ کھیلا ءِ نوک گچین بوتگیں کابینہ ءَ را یک رندے پدا مبارک بات دیگ بوت ءُ امیت کنگ بوت کہ آؤکیں وھد ءَ قانون ءِ حاکمیت ءُ جمہوری اقدار ءِ دیمروئی ءِ ھاتر ءَ وتی ازمتاں برجاہ دار انت۔ اے موہ ءِ سرءَ بالائی سوات پارٹی ءِ صدر قیموس خان، سابق ضلع ناظم و سیکرٹری جنرل سوات ڈویژن محمد علی شاہ، اپر سوات پارٹی کے سیکرٹری جنرل موسیٰ خان، سابق رکنِ صوبائی اسمبلی سردار خان و دیگر پارٹی راہنما ہمراہ موجود تھے۔کابینہ راکین صدر تحصیل بار خوازہ خیلہ ایڈووکیٹ لیاقت علی،نائب صدر ایڈوکیٹ غلام مرتضیٰ،خان، سیکرٹری جنرل ایڈووکیٹ انعام اللہ،جائنٹ سیکرٹری ایڈووکیٹ محمد خان، لائبریری سیکرٹری ایڈووکیٹ سمیع اللہ، اور فنانس سیکرٹری ایڈووکیٹ ذاکر حسین ساڑی ات۔
