اسلام آباد۔28اپریل (اے پی پی):نائب مزن وزیر ءُ درئی کارانی وزیر سینیٹر محمد اسحاق دار ءَ گتر ءِ مزن وزیر ءُ درئی کارانی وزیر شیخ محمد بن عبدالرحمن الثانی ءَ گوں ٹیلی فون ءِ سر ءَ گپ ءُ تران کتگ ءُ دمگ ءِ بدل بوھوکیں جاور ھال آنی سر ءَ نزیکیں رابطہ ءُ شور ءُ سلاھ ءِ برجاہ دارگ ءِ سر ءَ تپاک کتگ۔ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گپ ءُ تران ءِ ساھت ءَ نائب مزن وزیر ءَ بھارت ءِ نیمگ ءَ چہ کتگیں بے بنیں الزام ، اشتعال انگیز بیان ءُ یک نیمگی کارروائی آنی پسو ءَ پاکستان ءِ راجی سلامتی کمیٹی ءِ گوستگیں گپ ءُ تران ءُ پیسلہ آنی بابت ءَ گتر ءِ مزن وزیر ءَ را سرپد کتگ۔ گتر ءِ مزن وزیر ءَ ملک آنی نیام ءَ جیڈھ آنی گیواری ءِ واستہ گپ ءُ تران ءُ سفارتکاری ءِ ارزشت ءِ سر ءَ زور پر دات ءُ خطہ ءَ امن ءُ ایمنی ءِ برجائی ءِ سر ءَ زور پر دات۔ دوئیں بامرد آں پاکستان ءُگتر ءِ نیام ءَ دیریں براتیں سیادی ءِ حوالہ دات ءُ خطہ ءِ بدل بوؤکیں جاورحال ءِ سرا نزیکیں رابطہ ءُ مشورہ برجاہ دارگ ءِ سرا تپاک کت۔
