اسلام آباد۔28اپریل (اے پی پی): بنجاھی وزیر ءِ پٹرولیم علی پرویز ملک ءَ گوں قازقستان ءِ نائب وزیر توانائی ارمبک کڈائیبرگن ءَ مزن تک ءِ گند ءُ نند کت۔ گند ءُ نند ءَ توانائی ءِ شوبگ ءَ تیل ءُ گیس ءِ پٹ ءُ پول، معدنیات ءُ سرمایہ کاری ءِ موہ ہوار دو نیمگی کمک ءَ را گیش کنگ ءِ سر ءَ ھیال ریچی کنگ بوت۔ پٹرولیم ڈویژن ءِ جارکش ءِ بیان ءِ رد ءَ دوئیں نیمگ ءَ پاکستان ءُ قازقستان ءِ نیام ءَ سیادی ءَ را گیش مھکم کنگ ءِ سر ءَ زور پر داتگ ھاسیں رنگ ءَ توان ءِ شوبگ ءَ کمک ءِ ھوالگ ءَ ۔ پٹرولیم ءِ وزیر علی پرویز ملک ءَ پاکستان ءِ گیش بوھوکیں توانائی ءِ ضلورت آنی سر ءَ زور پر دات ءُ ہائیڈروکاربن وسیلگ ءُ کان کنی ءِ تہ ءَ قزاقستان ءِ مہارت ءَ چہ سیت چست کنگ ءِ واھشت ءِ درشان کت۔ قازقستان ءِ نائب وزیر توانائی ءَ پاکستان ءِ گوما توانائی ءِ سیادی ءَ را گیش کنگ ءِ واستہ وتی جزم ءِ سر ءَ زور پر دات ءُ یکجائی منصوبگ ءُ ٹیکنالوجی ءِ تبادلہ ءِ واستہ راہ آنی سر ءَ زور پر دات۔ پٹرولیم ءِ وزیر علی پرویز ملک ءَ گوشت کہ پاکستان قازقستان ءِ گوما وتی سیادی ءَ را ارزشت دنت ءُ توان ءِ شوبگ ءَ وت مہ وتی دیمروئی ءِ موہ است انت۔ آئی ءَ یکے دومی ءِ کمک ءِ سر ءَ اُمیت اِنت کہ دوئیں ملک آنی واستہ فائدگ مند بیت۔ قازقستان ءِ نائب وزیر ءَ را آن شور اور آف شور تیل ءُ گیس ءِ پٹ ءُ پول ءِ واستہ استیں موہ آنی بابت ءَ سرپد کنگ بوت۔ ایشاں آیوکیں شریکداری ءِ حمایت ءِ درشانی کت ءُ دوئیں ملک آنی نیام ءَ برجاھیں رابطہ کاری ءِ سر ءَ تپاک کت۔
