مزن وزیر محمد شہباز شریف ءِ وزیر ڈیجیٹل پرس ءِ نوکیں نظام ءِ وسیلگ ءَ 79درسد فنڈ ڈیجیٹل رنگ ءَ چہ زیان مندیں مردم آناں سر کنگ بوتگ

اسلام آباد۔28اپریل  (اے پی پی):مزن وزیر محمد شہباز شریف ءَ رمضان ریلیف پیکج ءِ چیر دستی ءَ مستحقیں مردم آناں شفافیں دیئگ ساڑاتگ ءُ گوشت کہ ڈیجیٹل پرس ءِ نوکیں نظام ءِ وسیلگ ءَ 79درسد فنڈز مستحقیں مردم آناں ڈیجیٹل رنگ ءَ سر کنگ بوتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر گس اسلام آباد ءَ ھاسیں مراگش برجم دارگ بوت ایشی ءِ تہ ءَ مزن وزیر ءِ رمضان ریلیف پیکج ءِ سوبمندی ءُ ھما مردم کہ آہاں ڈیجیٹل ڈیلیوری ءِ تہ ءَ جوانیں کارکردگی ءِ درشان کتگ۔ مراگش ءِ تہ ءَ مزن وزیر محمد شہباز شریف ءِ ھاسیں مہمان ءِ بستار ءَ اے مراگش ءَ شریک ات۔ مزن وزیر ءَ مراگش ءَ بھر زوروکاں گوں تران کنان ءَ گوشت کہ رمضان ریلیف پیکج ءِ سوبمندی ءِ واستہ توامیں اسٹیک ہولڈر آنی کوشست ستا کرز انت۔ آئی ءَ گوشت کہ پیکج ءِ چیر دستی ءَ مستحقیں مردم آنی شرپ ءِ برجائی ءِ وھد ءَ شفافیں رنگ ءَ ادائیگی کنگ بوتگ ءُ نوکیں ادائیگی ءِ وسیلگ ءَ فنڈز ءِ ٹرانسفر ممکن بوتگ۔ آئی ءَ گوشت کہ ڈیجیٹل پرس ءِ وسیلگ ءَ فنڈز ءِ ٹرانسفر سک باز آسان ءُ شفاف بوتگ، پروگرام ءِ چیر دستی ءَ 79درسد فنڈز ڈیجیٹل رنگ ءَ داتگ انت۔ آئی ءَ گوشت کہ کوھنیں ادائیگی ءِ نظام ءَ بازیں کوتاہی است ات کہ اے نوکیں نظام ءَ چہ ھلاس کنگ بوتگ انت، ءُ نوکیں لائن آنی سر ءَ نظام ءَ را دیمروئی دیگ ءِ گامگیج آنی وسیلگ ءَ جوانیں آسراتی رستگ انت۔ مزن وزیر ءَ گوشت کہ سرجمیں ملک ءَ ڈیجیٹل پرس ءِ دائرہ کار گیش کنگ بیت ایشی ءَ چہ یک یکجاھیں نظام ءِ وسیلگ ءَ صوبگ آناں ھم ڈیجیٹل ادائیگی ءِ عمل ءَ تہ ءَ ھوار کنگ بیت۔ آئی ءَ گوشت کہ ٹیم ورک ءِ سبب ءَ مستحقیں ھاندان آناں فنڈز ءِ پھجارینگ ممکن بوتگ، ءُ آیوکیں سال ءَ 100درسد فنڈز ڈیجیٹل رنگ ءَ کارمرد کنگ بنت۔ مراگش ءَ سیکرٹری بے نظیر انکم سپورٹ پروگرام عامر احمد علی ءَ مزن وزیر رمضان ریلیف پیکج ءُ ڈیجیٹل پرس ءِ ھوالگ ءَ سرجمیں بریفنگ دات۔ مزن وزیر ءَ حکومتی ءُ جندی ادارگ آنی افسر آناں وتی ازمت آنی پجار ءِ رد ءَ مزن وزیر رمضان ریلیف پیکج ءِ سر ءَ عمل درآمد ءِ تہ ھاسیں کرد پیلو کتگ آناں اعزازی شیلڈ دات۔