اسلام آباد۔28اپریل (اے پی پی):مزن وزیر محمد شہباز شریف ءَ گوں ہائیر ایجوکیشن کمیشن ءِ پروجیکٹ ڈائریکٹر صائمہ نورین ءَ گند ءُ نند کت آئی ءَ را چین ءَ پاکستانی نودربر آنی واستہ کشت ءُ کشاری ءِ شوبگ ءَ نوکیں تربیت ءِ پروگرام ءِ نگرانی ءِ واستہ گچین کنگ بوتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ سیما نورین ءِ سرکاری ھزمت ءِ جذبہ سرکاری افسر آنی واستہ تقلید ءِ لائق اِنت۔ آئی ءِ گوں نودربراں چین ءَ روگ ءُ آھانی جیڑہانی گیش ءُ گیوار ءُ چینی یونیورسٹی ءَ آھانی نندگ ءِ دراھیں بندوبستانی نگرانی ستا کرز اِیت۔ مزن وزیر ءَ گوشت کہ اے رنگیں افسر کہ سرکاری ازمت ءِ تہ ءَ شپ ءُ شپ ءِ سر ءَ ھوار اَنت ھما مردم راستی ءَ پرومکگ ءُ مراعات ءِ حقدار اَنت۔ چہ خدا ءِ فضل ءُ کرم ءَ نوکیں زراعت ءِ تربیت ءِ ھاتر ءَ نودربرانی اولی ٹولی چین ءَ سر بوتگ۔ گند ءُ نند ءَ صائمہ نورین ءَ نودربراں اے سرجمیں عمل ءِ تہ ءَ دیم ءَ اتکگیں جیڈھ آنی بابت ءَ سرپدی دات ءُ آیوکیں وھد ءَ آھانی گیواری ءِ واستہ سوج ءُ پنت ھم دات اَنت۔ مزن وزیر ءَ صائمہ نورین ءِ مزنیں کارکردگی ءِ اعتراف ءَ ستا ءِ سرٹیفکیٹ ءُ شیلڈ دات۔ پروجیکٹ ڈائریکٹر ءَ گشتگ کہ نودربر شیان یونیورسٹی ءَ وش ءُ سلامت سر بوتگ انت ءُ تربیت ءِ تہا انت۔ مزن وزیر ءَ پاکستانی نودربراں نوکیں کشت ءُ کشاری ءِ تربیت ءِ واستہ چین ءَ روان دیگ ءِ واستہ گچین کاری ءِ عمل ءِ شفافیت ءِ چیک کنگ ءِ واستہ تھرڈ پارٹی ویلڈیشن ءِ ہدایت کتگ۔ گند ءُ نند ءَ وفاقی وزیر رانا تنویر حسین، عطا اللہ تارڑ ءُ مزن مزنیں افسراں شریک کت۔
