اسلام آباد۔ 28 اپریل (اے پی پی) صدر مملکت آصف علی زرداری قطبی وزیرستان اٹی سنیٹائزیشن آپریشن اٹی پین 17 خوارج آتے جہنمی کننگ آ سیکورٹی فورس آتے خراج تحسین پیش کرینے۔ دوشنبے نادے آ ایوان ءِ صدر نا پریس ونگ آن جاری بیان نارداٹ صدر مملکت کارروائی ٹی فتنۃ الخوارج آتا 17 دہشت گرد آتا قلع قمع کننگ آ سیکورٹی فورس آتا بہادری نا ستاءِ کرے۔ اودہشت گرد آتا برخلاف تدوک آ دے بھلو کارروائی اسے آن پد پین دہشت گرد آتے جہنمی کننگ آ سیکورٹی فورس آتا ستاءِ کرے۔ صدر پارے کہ دہشت گرد آتا پورو چٹفنگ اسکان سیکورٹی فورس آتا کارروائی برجاسلک۔ اوپارے کہ پاکستان نا سیکورٹی فورس آتا دہشت گردی نا چٹفنگ کن سرسہب کارروائی کننگ ستاکڑزک۔ صدر آصف علی زرداری پارے کہ دہشت گرد آتا چٹفنگ، ملکی دفاع کن ننا عزم غیرمتزلزل سلک۔ اوفتنۃ الخوارج آتا پورو چٹفنگ نا قومی عزم انا ہم درشانی ءِ کرے۔
