اسلام آباد۔ 28 اپریل (اے پی پی) وزیراعظم محمد شہباز شریف قطبی وزیرستان نا علاقہ حسن خیل اٹی آپریشن اٹی 17 خارجی تے جہنمی کننگ آ سیکورٹی فورس آتے خراج تحسین پیش کرینے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ تدوک آ 3 دے اٹی قطبی وزیرستان اٹی سیکورٹی آپریشن اٹی 71 خارجی تا کہینگ آن پیدوار ءِ کہ کانود نافذ کروک آ ادارہ غاک دہشت گردی نا چٹفنگ کن پورو وڑاٹ سنبرینگوک و چوکس ءُ۔ انسانیت نا دشمن دہشت گرد آتا ناپاک عزم ءِ ہنداوڑ مش تا کرسا کینہ۔ وزیراعظم پارے کہ ملک آن دہشت گردی نا پورو چٹفنگ اسکان ننا دہشت گرد آتا برخلاف جنگ برجاسلک۔
