کوئٹہ۔ 28 اپریل (اے پی پی) پاکستان پیپلزپارٹی نا قومی اسمبلی نا باسک نوابزادہ جمال خان رئیسانی پارینے کہ ورناچینک ہی بلوچستان نا روشنا آخبت ءُ ہنداسوب آن المی ءِ کہ ورناتے است انا حب اٹ شونداری و امن نا تغ ءِ پورو کننگے، بروک آ بنجائی و صوبائی بجٹ اٹ ورناتیکن پوسکن آ ڈٹ آتا سلاہ پیش کینہ۔ داہیت ءِ او تینا ہنکین ساراوان ہاؤس کوئٹہ ٹی پاکستان پیپلزپارٹی نا راہشون سردار ربنواز کرد و سید عدیل شاہ نا کماشی ٹی ملوک آ ڈل اتون گپ وتران کرساپارے۔ اوڑدہی ٹی یوتھ پالیسی، ورناتا آسودہی نا بابت ڈٹ، شونداری ڈٹ و سیاسی حالیت آتیا گپ وتران کننگا۔ پاکستان پیپلزپارٹی نا قومی اسمبلی نا باسک نوابزادہ جمال خان رئیسانی پارے کہ بلوچستان نا ورناتے وارخواہی فراوان کننگ آن بیدس شونداری بے معنی ءِ، بروک آ بنجائی و صوبائی بجٹ اٹی ورناتیکن پوسکن آڈٹ آتا سلاہ پیش کینہ، نوابزادہ جمال خان رئیسانی پارے کہ ورناتیکن پوسکن آ ڈٹ آتا بناءِ کوئٹہ غان کینہ و بلوچستان نا ورناتیکن پرامن شونہال آخبت ءِ پک کننگ اوفتے آن بورڈ ہلسا اہم ڈٹ سلا ہ کننگک۔
