بی ٹیوٹا نا رداٹ شفاف و انصاف اٹ بھرتی ٹیسٹ آتا اڈتننگ ننا ورناچین آ پت ویخین نا عملی درور ءِ، ایم ڈی بی ٹیوٹا

کوئٹہ۔ 28 اپریل (اے پی پی) منیجنگ ڈائریکٹر بلوچستان ٹیکنیکل ایجوکیشن اینڈ ووکیشنل ٹریننگ اتھارٹی طارق جاوید مینگل پارینے کہ بلوچستان نا ورناک ننا آخبت ءُ۔ بی ٹیوٹا نا رداٹ شفاف و انصاف اٹ بھرتی ٹیسٹ انا اڈتننگ ننا ورناچین آ پت انا عملی درورءِ۔ نن میرٹ ءِ مقدم تخسا ہراہل اومیتدار ءِ مون آہِننگ نا موقع تسنے۔ دوشنبے نادے آ تینا بیان اٹی ایم ڈی بلوچستان ٹیکنیکل ایجوکیشن اینڈ ووکیشنل ٹریننگ اتھارٹی (بی ٹیوٹا) طارق جاوید مینگل پارے کہ کنا دلی است خواہی ءِ کہ بلوچستان نا ہر ورناتعلیم و کسب نا کمک اٹ تینا و تینا صوبہ غاتا تقدیر ءِ بدل کننگ اٹ اہم کڑد ادا کیر۔ بی ٹیوٹا ورناتا روشنا آخبت کن ہرممکن کوشست ءِ برجاتخک۔ اوپارے کہ ورناتا خواری ہی اوفتا سرسہبی و روشنا آخبت نا ضمانت ءِ۔ بلوچستان حکومت روشنا آخبت کن ہرریسہ ٹی ورناتتون تفوک ءِ۔