اسلام آباد۔ 28 اپریل (اے پی پی) وزیراعظم نا سلاہکار صنعت وپیدوار ڈویژن ہارون اختر خان پارینے کہ وزیراعظم نا وژن نا رداٹ حکومت فرنیچر مینو فیکچررآتے برآمد آتے ودفنگ اٹ ہرممکن آسراتی فراوان کیک۔ داخیال آتا درشانی ءِ او وزارت ءِ صنعت و پیدوار اٹی فرنیچر مینو فیکچررز ایسوسی ایشن تون تینا کماشی ٹی دیوان اٹی گپ وتران کرساکرے۔ ہارون اخترخان پارے کہ پاکستان اٹ فرنیچر سازی ٹی بے پناہ لائخی و آب اٹ مصنوعات ارے۔ فرنیچر مینو فیکچرنگ سیکٹراٹی بھلو کچ اسے ٹی چنکا و نیامی درجہ نا ادارہ غاک اوار ءُ۔ اوپارے کہ وزیراعظم نا وژن نا رداٹ حکومت فرنیچر مینو فیکچررءِ برآمد آتے ودفنگ اٹ ہرممکن آسراتی فراوان کیک۔ فرنیچر مینو فیکچررز ایسوسی ایشن نا نمائندہ فیصل حکومت آن آسراتی تننگ نا خواست کرینے۔ فرنیچر مینو فیکچررز ءِ برآمدی آگاہی، ہنر سازی، ٹیکسیشن آگاہی و دستاویزی باندات آتیٹی ویل مون تروک ءِ۔ ہارون اختر خان سمیڈا و پی آئی ڈی سی ءِ فرنیچر ایسوسی ایشنز تون اواری اٹ کاریم کننگ نا پارت کرے و پارے کہ فرنیچر سیکٹر پاکستان نا برآمد آتیٹی ودکی کننگ کیک۔ ہارون اخترخان سمیڈا و پی آئی ڈی سی ءِ فرنیچربرآمد آتیا رپورٹ بروک آ ہفتہ اسکان پیش کننگ نا پارت کرینے۔
