اسلام آباد۔ 28 اپریل (اے پی پی) بنجائی وزیر انفارمیشن ٹیکنالوجی و ٹیلی کمیونیکیشن شزہ فاطمہ پارینے کہ آئی ٹی بشخ انا برآمد آتیٹی ودکی زرگزران کن ستاکڑزک، نن ڈیجیٹل زرگزران ، ڈیجیٹل گورننس و ڈیجیٹل سوسائٹی اس ٹہیفنگ کن سنبرینگوک ءِ، نن کیس لیس اکانومی نا کنڈآ ہِننگ اُن، نن ای گورننس آ چکار کرینن۔ داخیال آتا درشانی ءِ او دوشنبے نادے آ ڈی ایف ڈی آئی فورم نا وخت آ درملکی میڈیا تون گپ وتران کرساکرے۔ اوپارے کہ پاکستان اٹی زرکاری نا بے پناہ وارخواہی ساڑی ءِ، پاکستان اٹی آئی ٹی نا بشخ شونداری نا کنڈآ ہِننگ ءِ۔ شزہ فاطمہ خواجہ پارے کہ آئی ٹی بشخ انا شونداری نا رفتار ءِ پین ودفنگ خوانہ، آئی ٹی بشخ انا برآمد آتیٹی ودکی زرگزران کن ستاکڑزک۔ اوپارے کہ نیشنل ڈیجیٹائزیشن نا مسخت ڈیجیٹل پاکستان، ڈیجیٹل اکانومی، ڈیجیٹل گورننس و ڈیجیٹل سوسائٹی ٹہیفنگ ءِ، ہرپاکستانی ءِ موبائل فون انا کمک اٹ ہرآسراتی اسکان رسینگ نا کوشست ءِ، نن کیش لیس اکانومی نا کنڈآ ہِننگ اُن، ہراڑآن ملکی و درملکی زرکارآتے آئی ٹی نا بشخ اٹی زرکاری نا وارخواہی دوبریک۔ اوپارے کہ ڈیجیٹل ٹرانزیکشن آن شفافیت و کارکڑد اٹی گچینی بریک و دستاویزی زرگزران ءِ ٹہیفنگ اٹ کمک رسینگک حکومت ای گورننس آ چکار کرینے ، نن آئی ٹی صنعت نا مون آدننگ کن ہرممکن آسراتی فراوان کننگ کن سنبرینگوک اُن۔ اوپارے کہ ملکی و درملکی زرکارآک آئی ٹی نا بشخ اٹی زرکاری نا وارخواہی تیان فائدہ ہرفنگ کیرہ، ملک انا مر مر انگا علاقہ غاتیٹی انٹرنیٹ اسکان رسینگ ءِ پک کننگ انگ ءِ۔
