اسلام آباد۔27اپریل (اے پی پی):صدر آصف علی زرداری ءَ شمالی وزیرستان ءَ اوگانستان ءِ نیمگ ءَ چہ نفوذ ءِ کوشست ءِ ناکام کنگ ءِ ھاتر ءَ سیکورٹی فورسز ءَ را خراج تحسین پیش کتگ۔ یک شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ سیکورٹی فورسز ءِ توسیپ کتگ کہ آھاں فتنت الناشرکار ءِ ناشرکار آنی ھلاپ ءَ وھد ءِ سر ءَ کارروائی کتگ ءُ 54 ناشرکار کشگ بوتگ اَنت۔ صدر ءِ مملکت ءَ آپریشن ءِ ساھت ءَ 54ناشرکار ءِ ھلاس کنگ ءِ واستہ سیکورٹی فورسز ءِ بہادری ءَ را ساڑات ءُ گوشت کہ پاکستان ءِ بہادریں سیکورٹی فورسز ملک ءِ سیمسر آنی رکھینگ ءِ واستہ مدام ساڑی اَنت۔ صدر ءِ مملکت ءَ گوشت کہ ناشرکار آنی تہ ءَ ھوار بوھگ ءَ را ناکام کنگ مزنیں سوبمندی اِنت۔ صدر ءَ ناشرکاری ءِ سرجمی ءَ ھلاسی ءُ ملک ءِ سیم سر آنی رکھینگ ءِ جزم ءِ پدا زور دات۔
